რეპერმა ბერა ივანიშვილმა 2015 წლის პირველი კლიპი გამოუშვა. რეპერმა კლიპი youtube-ის საკუთარ არხზე 16 იანვარს განათავსა. Don't Go - ასე ქვია ახალ სიმღერას და მასზე გადაღებულ შავ-თეთრ ვიდეოში ქართველი რეპერი საკმაოდ თამამ სცენებში ჩნდება.
ბერას კლიპში პარტნიორობას ნიუ-იორკელი მოდელი შანტელ ჯეფრისი უწევს. 21 წლის შანტელი ამერიკულ შოუ-ბიზნესში ძალიან პოპულარული სახეა: ის ცნობილ მომღერლებთან მეგობრობს, მათ შორის თინეიჯერების კერპ ჯასტინ ბიბერთან, რომელთან ერთად ხშირად ჩნდება ელიტურ წვეულებებზე. მოარული ხმების თანახმად, ბიბერის სელენა გომესთან დაშორების ერთ-ერთი მიზეზი, სწორედ შანტელი გახდა.