გინეკოლოგიური პრობლემები მოზარდებსა და უფროსებში - გინეკოლოგის რჩევები
მოზარდებსა და ქალებს გინეკოლოგიურ პრობლემებზე საუბარი ეუხერხულებათ. დედების უმეტესობა მიიჩნევს, რომ შვილის ასეთი მდგომარეობა ზრდასრულ ასაკში მოგვარდება. რა იწვევს გინეკოლოგიურ პრობლემებს და როდის მივმართოთ ექიმს, კითხვებს ენდოკრინოლოგ-გინეკოლოგი, მაკა გეგეჭკორი პასუხობს.
გამოგზავნილი კითხვები:
ანა:
მაქვს თეთრი გამონადენი თხელი, ზოგჯერ სითხის სახით და მაინტერესებს საშიშია და ვის მივმართო ან როგორ ვიმკურნალო?
-გამონადენი ყველა ასაკის და კატეგორიის ქალს აწუხებს. ანას შემთხვევაში თუ ვიმსჯელებთ, ის ალბათ ახალგაზრდა ასაკის არის . ახალგაზრდა ასაკში გამონადენი შეიძლება იყოს სეკრეტორული ფუნქციური, მაგრამ რადგან აწუხებს არ იქნება ურიგო, რომ გაიკეთოს ნაცხის ანალიზი და ნახოს ელემენტარულად ეს არის ფიზიოლოგიური რაც ამ ასაკისთვის დამახასიათებელია, თუ შეიძლება რამე გამომწვევის მიზეზები არსებობდეს.
გიო:
მაწუხებს ტკივილი სასქესო ორგანოსთან (ჯირკვლები) და ასევე სწრაფი ერექცია, რა არის ამის მიზეზი ? და როგორ ვუმკურნალო ამ პრობლემას?
-ამ შემთხვევაში ალბათ ასაკს აქვს მნიშვნელობა. გარდატეხის ასაკში მამაკაცის სასქესო ჯირკვლები იწყებს ფუნქციონირებას და ახალგაზრდების ორიენტაცია ძირითადად აქეთკენ არის მიმართული. არ გამოვრიცხავ სწრაფ ერექციას. ძალიან ბევრი ფაქტორია გარემოში იმისთვის, რომ იწვევდეს სწრაფ ერექციას. მაგრამ რადგან ტკივილი და ჯირკვლები ახლავს, გიოს ვურჩევთ მივიდეს ანდროლოგთან, უროლოგთან, რადგან გაარკვიოს ხომ არ არის რაიმე პათოლოგიურ პროცესთან ასოცირებული ეს ყველაფერი. ასეთი სიპტომები ძირითადად ანთებითმა პროცესებმაც იცის.
პაციენტი:
ყველანაირად ვიცავ ჰიგიენურ წესებს, მაგრამ ყოველდღიურად მაქვს თეთრი გამონადენი, სუნით. რა გავაკეთო აღარ ვიცი. იქნებ თქვენ მირჩიოთ.
-ეს ძალიან გავს ანოს შეკითხვას და რეკომენდაცია იგივე იქნება . რადგან შემაწუხებელია და არასასიამოვნო ფაქტებიც ახლავს. ჯობია ექიმმა ნახოს, გამოკვლევა და მიზნობრივი თერაპია ჩაიტაროს. რადგან ხანდახან ჰიგიენის დაცვა საქმეს ვერ შველის.
თათია:
რას გვეტყვით ჰორმონალურ დარღვევებზე, რა იწვევს ამ პრობლემას?
-ძალიან გლობალური და ზოგადი კითხვაა. ჰორმონები ძალიან ბევრნაირი არსებობს და რამდენაირიც არსებობს იმდენი დარღვევაა. ჰორმონალური დარღვევების დიდ წილს იწვევს სტრესი და სტრესორები. თუ თათია ახალგაზრდაა, ეს შეიძლება იყოს გარდატეხის ასაკთან დაკავშირებული ძალიან ბევრნაირი სტრეს სიტუაცია.
ასაკიც ამ შემთხვევაში აღიქმება სტრეს სიტუაციად, იმდენაირი ფუნქცია ყალიბდება ამ დროს. ჰორმონალური დარღვევებიც ამ ასაკში არ არის უცხო და ისევ და ისევ ალბათ ექიმთან მიმართვა გადაუწყვიტავს ამ დილემას. მე ვერც ვურჩევ რადგან არვიცი რომელი ჰორმონები აქვს მხედველობაში.
ნათია:
მტკივნეული მენსტრუაციის დროს ვის უნდა მიმართოს ქალმა?
-მტკივნეული მენსტრუაციის დროს ქალმა ჯობია მიმართოს გინეკოლოგს , რეპროდუქტოლოგს რათა დაადგინოს ესეც რაიმე დაავადებასთან ხომ არ ასოცირდება. მტკივნეულ მენსტრუაციას ხშირად იწვევს ანთებითი პროცესები, ასევე პათოლოგია, რომელსაც იწვევს გენეტალური ენდომეტრიოზი, მაგრამ ხანდახან გოგონებში არის ხოლმე ე.წ. იდიოპათიური ანუ უმიზეზო. ამდენად მაინც ჯობია დასკვნა ექიმა გააკეთოს.
ნინა:
სქესობრივი კონტაქტის დროს ხშირად მაქვს ტკივილი. რა შეიძლება იყოს ამის მიზეზი და რას გვირჩევთ?
-სქესობრივი ცხოვრების დროს ტკივილს დისპალეონია ქვია. მას ხშირად იწვევს ხოლმე ანთებითი პროცესიც , ასევე ხშირად იწვევს ხოლმე სიმშრალე სასქესო გზებში , ასევე გამომწვევია ფსიქოლოგიური გაუთვითცნობიერება, ან ინიციაცია ადრეულ სტადიებზე. ასე რომ, თითქმის ყველა კითხვაზე იქით მივდივართ რომ ექიმთან ვიზიტი ყველა პრობლემას გადაგაწყვეტინებთ.
პაციენტი:
მშობიარობის შემდეგ (ფიზიოლოგიურად ვიმშობიარე) ექიმმა მითხრა, რომ მაქვს უნაგირისებრი საშვილოსნო და შეიძლება ეს საშიში იყოს, როგორც სექსუალური აქტის, ასევე მშობიარობის დროს. ამან ძალიან დამაკომპლექსა, არც მეორე შვილზე მიფიქრია, რას მირჩევთ?
-უნაგირა საშვილოსნო არის საშვილოსნოს განვითარების ერთ-ერთი ვერსია. რადგან ამ ადამიანმა ერთხელ უკვე ფიზიოლოგიურად იმშობიარა, შეუძლია შიშს თავი ანებოს . ამას მისთვის არ შეიშლია ხელი არც დაორსულებაში, არც მშობიარობაში და ნუ დაკომპლექსდება. ეს არის ნორმის ერთ-ერთი ვერსია.
ქეთი:
რომელი ორგანული პათოლოგიები იწვევს საშვილოსნოდან სისხლდენას?
-ორგანულ პათოლოგიებში რა ქონდა მხედველობაში ქეთის საინტერესოა, იმიტომ რომ სისხლდენა საშვილოსნოდან შეიძლება იყოს ფუნქციური და შეიძლება იყოს გარკვეული სტრუქტურების ზრდით გამოწვეული. საშვილოსნოდან სისხლდენას ასეთი მარტივი კითხვა-პასუხის გზით ვერ გაუმკლავდება ადამიანი, რადგან ზოგჯერ ძალიან სერიოზულ ფორმებსაც იღებს. ამიტომ ექოსკოპიური გამოკვლევა , ჰორმონული გამოკვლევა დინამიკაში გვაძლევს პასუხს. ის შეიძლება გამოიწვიოს საშვილოსნოს ღრუს პოლიპმა, საშვილოსნოს ყელის პოლიპმა , ენდომეტრიოზმა , საშვილოსნოს ლორწოვანის გასქელებამ , ჰიპერპლაზიამ და სხვა.
პაციენტი:
მაქვს გამონადენი და შორისისა და გარეთა სასქესო ორგანოების ქავილი, რით შემიძლია მოვიწესრიგო ეს პრობლემა?
-ამ შემთხვევაში ნამდვილად შემიძლია ვთქვა რომ ქალბატონს რაღაცა სახის ანთებითი დაავადება აქვს. სასქესო ინფექცია რომელიც შეიძლება იყოს სოკოვანიც თავისი მახასიათებლების მიხედვით . შეიძლება იყოს ტრიხომონიაზიც, რომელსაც ასევე ახასიათებს ნებისმიერი სახის გამონადენი. თვითონ მჟავე რეაქციის არის და კანზე მოხვედრისას ის იწვევს ხოლმე ქავილს და წვას, ამიტომ ჯერ უნდა დადგინდეს რა გამომწვევია და იმის მიხედვით იმკურნალოს. სამკურნალოდ მას დასჭირდება როგორც ზოგადად ანტიბიოტიკების მიღება, ისევე ადგილოობრივი საშუალებები.
სალო:
თუ შეიძლება მენსტურაციის დროს ურთიერთობა?
-შეძლებით ყველაფერი შეიძლება, მაგრამ სასურველი არ არის. სასურველი არ არის როგორც ჰიგიენური თვალსაზრისით, ასევე სურვილის თვალსაზრისითაც. არ მესმის ადამიანებს რამდენად შეიძლება ამის სურვილი ქონდეთ და ბოლოს შეიძლება მენსტრუაცია იმ გზით არ წავიდეს, ანუ ზემოდან ქვემოთ როგორც ეს რეალურად არის და შიგნითა სასქესო ორგანოებში სხვა მიმართულება მიიღოს. ამას ქვია მილებიდან გადასვლა, რეტროგრატული მენსტრუაცია , რომელმაც შეიძლება დასაბამი მისცეს ზოგიერთ გინეკოლოგიურ დაავადებას. ამიტომაც სასურველი არ არის, თუმცა შეძლებით ყველაფერი შეიძლება.
ია:
რა იწვევს ცერვიციტს, რამდენად საშიშია და მკურნალობიდან რამდენ ხანში შეიძლება დაფეხმძიმება? ქავილის მიზეზი შეიძლება იყოს ცერვიციტი? სოკო არ მაქვს.
დავიწყოთ იქიდან რომ ცერვიციტი შეიძლება სოკოვანიც იყოს და არასოკოვანიც. ცერვიციტი არის საერთოდ საშვილოსნოს ყელის ანთება. გარეთა სასქესო ორგანოების ქავილს ცერვიციტი ვერ გამოიწვევს. ეს შეიძლება არ იყოს სოკო და შეიძლება იყოს სხვა ინფექცია. მას უნდა კარგად მკურნალობა. თუ ადამიანს პარტნიორი ყავს იმასთან ერთად მკურნალობას ძალიან დიდი მნიშვნელობა აქვს . თუ ორივემ ერთად არ იმკურნალა, მაშინ მკურნალობა წყალში გადაყრილია. აქვე ვისარგებლებ შემთხვევით და ვიტყვი რომ მამაკაცებს ისეთი ანატომია აქვთ, რომ მათ განსაკუთრებულად არაფერი აწუხებთ. ისინი არიან რეალურად გადამტანები. ხშირად ჩივიან კიდევაც ჩვენ არაფერი არ გვაწუხებს და რატომ უნდა ვიმკურნალოთ. ქალს ცოტა სხვა სიტუაცია აქვს , ლორწოვანი ისეთი აქვს რომ პარტნიორების ინფექცია მანიფესტირდება ქალში. ამიტომ ორივეს მკურნალობა აუცილებელია.
სალომე:
რა აზრის ხართ ლაბიაპლასტიკაზე? ურჩევთ თუ არა ასეთ ოპერაციებს თქვენს პაციენტებს,და საერთოდ რამდენად ხშირად მოგმართავენ ამ პრობლემით გოგოები საქართველოში?
-კარგი კითხვა არის ეს. ლაბიაპლასტიკა გულისხმობს სასქესო ბაგეების პლასტიკას . სასქესო ბაგეები ხშირად არის ხოლმე ატიპიური გარეგნობის, ანუ გადიდებული მცირე სასქესო ბაგეები და გარკვეულწილად შეიძლება ესთეტიკურადაც უშლის ადამიანს და ეჩოთირება ყოველდღიურობაში. ხშირი არ არის და მე არ მახსოვს შემთხვევა რომელიმე ჩემს პაციენტს, ან მომართულ ადამიანს ქონოდეს ასეთი სურვილი, რომ გაეკეთებინა მოეცილებინა, დაეპატარავებია და ა.შ.
რადგან კითხვას სვამს ადამიანი გაგებული აქვს ესეთი პრეცედენტი. ხშირი ალბათ არ იქნება . საქართველო რადგან იკითხა დავძენ რომ ქართველი ქალები არიან ე.წ. გიპერანდროგენული ტიპის ქალები, ანუ მამაკაცის ჰორმონების მიმართ რეცეპტორები . მომართვიანობა, რომ რაიმე პლასტიკა ჩატარდეს, არ არის. პირიქით ქალები ამას გიპერსექსუალურ ატრიბუტიკადაც კი თვლიან და ამიტომ ცდილობენ რომ ქონდეთ ასეთი განსაკუთრებულობა.
თეონა:
ხშირად მაქვს უსიამოვნო სუნი,გამონადენი სულ ცოტა. რა შეიძლება იყოს მიზეზი და რა არის გამოსავალი?
-წინა კითხვებიდან გამომდინარე, თეონას გარკვეული პასუხი უკვე აქვს. უბრალოდ დავძენ მისთვის, რომ არასასიამოვნო სუნის გამონადენი ხშირად იცის ხოლმე საშოს დიზბაქტერიოზმა, ე.წ ბაქტერიულმა ვაგინოზმა. ნაწლავების დიზბაქტერიოზი ბევრისთვის ცნობილია, როდესაც ნაწლავური ფლორა თავის ფუნქციას ვერ ასრულებს და საშოშიც ესეა ხოლმე ხანდახან. ეს შეიძლება გამოწვიოს სტრესმა, გარუჯვამ ზენორმატიულმა . ეს ყველაფერი უჯრედულ იმუნიტეტს აქვეითებს და ამიტომ საშოშია ის ბაქტერიები, რომელიც ცხოვრობენ და ცხოველმყოფელობას განაპირობებენ. კვდება და ვერ უმკლავდება ინფექციას. ასეთ სიტუაციას ხშირად უსიამოვნო სუნი ახასიათებს და ვფიქრობ, რომ ეს არის მიზეზი. ამ ყველაფერს უნდა სპეციალური მკურნალობა რა თქმა უნდა.