ჯგუფი "შინ" უკვე თბილისშია
ბათუმის "მიუზიკ ჰოლში" 20 აგვისტოს დაგეგმილ კონცერტთან დაკავშირებით ჯგუფი "შინ" უკვე თბილისშია.
როგორც "ინტერპრესნიუსს" კონცერტის ორგანიზატორმა, "პალიტრა მედიის" წარმომადგენელმა ნინო მურღულიამ განუცხადა, ჯგუფი თბილისში კონცერტის სხვა მონაწილეებთან - ბუბა მურღულიასთან და ლექსო ჭუმბურიძესთან ერთად რეპეტიციებს გაივლის.
აღნიშნულ კონცერტზე წარმოდგენილი იქნება მხოლოდ ქართული პროგრამა.
"შინ"-ის ლაივ-კონცერტი 20 აგვისტოს, 22:00 საათზე, ბათუმის "მიუზიკ ჰოლში" გაიმართება. ბილეთების ღირებულება 20 და 50 ლარია.
ჯგუფ "შინ"-ის კონცერტი "პალიტრა მედიისა" და ჟურნალ "ბომონდის" ერთობლივი პროექტის - "ჩვენი ხმების საგანძური", ფარგლებში იმართება. პროექტი ერთი წლის განმავლობაში გააერთიანებს 12 CD-ის, "ბომონდის" ყოველ ნომერთან ერთად მკითხველი მიიღებს ცნობილი ქართული ჯგუფებისა და ქართველი შემსრულებლების თითო დისკს.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
