ლინდსი ლოჰანს (Lindsey Lohan) სასმელზე თავის დანებება უჭირს. გუშინ მსახიობი ლოს-ანჯელესიდან ნიუ-იორკში ჩაფრინდა და მეგობრებთან ერთად ერთ-ერთ ღამის კლუბში დათვრა.
კლუბიდან გამოსვლისას ლოჰანი წაიქცა და ისტერიკულად იცინოდა. ამ სანახაობამ მისი მეგობრებიც გაართო და საკმაოდ დიდი ხნის განმავლობაში მიხმარება არც უცდიათ. ბოლოს, როგორც იქნა, ერთ-ერთმა ხელი გაუწოდა და ლინდსიმ წამოდგომა მოახერხა.
ჯერჯერობით უცნობია, რა რეაქცია ჰქონდათ ამ ინციდენტზე სამართალდამცველებს, ლინდსის ალკოჰოლის მიღება გამოსაცდელი ვადის დასრულებამდე ეკრძალება.
საზოგადოებას კი მსახიობის საქციელმა კვლავ იმედი გაუცრუა: ლინდსი ლოჰანი პირობას დებდა, რომ გამოსწორდებოდა, იაპონიის დასახმარებელ აქციაშიც ჩაეწერა, მაგრამ, როგორც ჩანს, მას თავის გაკონტროლება ჯერჯერობით არ შეუძლია.
მომზადებულია dailymail.co.uk-ის მიხედვით.