მელანი გრიფიტი: "ჰოლივუდში მხოლოდ ახალგაზრდა და ლამაზი სხეული მოსწონთ"

56 წლის მსახიობი მელანი გრიფიტი ჰოლივუდში მოღვაწე რეჟისორებს მსახიობთა ასაკის მიხედვით დისკრიმინაციაში ადანაშაულებს. მისი თქმით, ჰოლივუდელ რეჟისორებსა და აგენტებს მხოლოდ ახალგაზრდა და ლამაზი სხეულის მქონე მსახიობები მოსწონთ. როგორც გრიფიტი ამბობს, იშვიათი გამონაკლისების გარდა, ასაკოვანი, ნაოჭიანი მსახიობებისთვის სცენარი არავის ემეტება. ვარსკვლავი ფიქრობს, რომ ჰოლივუდში 50 წლის ქალი აღარავის სჭირდება და მნიშვნელოვანი მხოლოდ ასაკია. მსახიობის თქმით, ვერასდროს წარმოიდგენდა, რომ 50 წლის ასაკში სცენარის წაკითხვა და გადასაღებ მოედანზე ყოფნა მოენატრებოდა.

"20, 30 წლის ასაკში ამ საკითხზე არ დავფიქრებულვარ. უცნაურია, მაგრამ ჰოლივუდში ახალგაზრდულ იერს მხოლოდ ქალებისგან მოითხოვენ. კინოთეატრში არ დავდივარ, რადგანაც საყურებლად საინტერესო ფილმები აღარ გადის", - განაცხადა მან.

მომზადებულია dailymail.co.uk-ის მიხედვით.