სტოკჰოლმის კინოფესტივალზე ორ ქართულ ფილმს აჩვენებენ

სტოკჰოლმის კინოფესტივალზე ორ ქართულ ფილმს აჩვენებენ

თინათინ ყაჯრიშვილის "პატარძლებს" და სალომე ალექსის ( ნუცა ალექსი-მესხიშვილი) "კრედიტის ლიმიტს" სტოკჰოლმის საერთაშორისო კინოფესტივალზე აჩვენებენ. ფესტივალი 5 ნოემბერს გაიხსნება და ქართველი რეჟისორების ფილმი სექციაში Asian Images იქნება წარმოდგენილი. "ერთ-ერთი ყველაზე შემოქმედებით და საინტერესო კინოარეალების პანორამა მსოფლიოში"- ასეთი წარდგენა აქვს ფესტივალის ვებ-გვერდზე სექციას, რომლისთვისაც  "პატარძლები" და "კრედიტის ლიმიტი" შეარჩიეს.

თინათინ ყაჯრიშვილის ფილმის პრემიერა 2014 წლის თებერვალში, ბერლინის 64-ე კინოფესტივალზე შედგა. სალომე ალექსის "კრედიტის ლიმიტი" კი სექტემბერში, ვენეციის 71-ე კინოფესტივალზე აჩვენეს. საქართველოში მაყურებელი ორივე ფილმს დეკემბერში, თბილისის საერთაშორისო კინოფესტივალზე იხილავს.

tbilisifilmfestival.ge

სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე

"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე

„თბილისური ჩუქურთმა“ - იმპრესიონისტი მხატვრის გამოფენა, რომელიც თბილისობას ეძღვნება