კოლჰოტის მსგავსი კაბა შორენა ბეგაშვილისთვის

გამჭვირვალე კაბაში გამოწყობილი ულამაზესი შორენა ბეგაშვილის ფოტოს სოციალურ ქსელში დიდი მოწონება ხვდა წილად. კაბა მსახიობს დიზაინერმა რამაზო რომამ აჩუქა, მაგრამ თავდაპირველად, საჩუქარს შორენამ თავი და ბოლო ვერ გაუგო. სამაგიეროდ, მოგვიანებით ტანზე არაჩვეულებრივად მოირგო...

რამაზო:

- დათუნა სულიკაშვილის ჩვენება იმართებოდა. ატელიეში ვისხედით და შორენაზე ვჭორაობდით - რა ლამაზი ქალია-თქო. ამასობაში, იდეაც მოგვივიდა. განვაცხადე, რომ მოსაწვევები შორენასთვის თავად უნდა გადამეცა. დავურეკე, - უნდა შეგხვდე და მოსაწვევები გადმოგცე-მეთქი. მისთვის დიდი სიურპრიზი იყო, როცა მანქანიდან კოლჰოტის მსგავსი კაბა გადმოვიღე. შოკში ჩავარდა, მაგრამ სახლში რომ შეიტანა და ჩაიცვა, ფოტოები გამომიგზავნა, ფანტასტიკური იყო! ძალიან მოგვეწონა. გადავწყვიტეთ, რომ ამ სიცივეში, ჩვენებაზე შორენა ამ კაბაში გამოწყობილი უნდა წამოსულიყო... ეს სასწაული გახლდათ!

შორენა:

- კაბა მანქანიდან რომ გადმოიღო, მართლა კოლჰოტს ჰგავდა, თავი და ბოლო არ ეტყობოდა. ვიცოდი, რომ კაბა იყო, მაგრამ ფორმა არ ჰქონდა. სამაგიეროდ, როცა ჩავიცვი, ძალიან მომეწონა, აღვფრთოვანდი! რამაზომ ზუსტად იცის, რომელ ქალს რა ჩააცვას. მისი შექმნილი კაბა ჩემს სილუეტს ნამდვილად მოუხდა.

- მანამდე რამაზოსთან ურთიერთობა გქონიათ?

- კი, რა თქმა უნდა. რამდენიმე წლის წინ გავიცანი. ერთხელ მის ჩვენებაზე გამოვედი, შემდეგ "ტუსოვკებზეც" შევხვედრივართ...

- თანამშრომლობის გარდა, რაიმე საერთო გაქვთ?

რამაზო:

- იცით, მე სტამბოლში ვცხოვრობ, შორენა - საქართველოში. როგორც ხელოვანი ხალხი, ხანდახან "ვერთდებით", პროექტებს ვაკეთებთ... ახლა ახალი პროექტის განხორციელებას ვაპირებ და შორენა ჩემთან, სტამბოლში აუცილებლად ჩამოვა.

შორენა:

- ამასთან დაკავშირებით ვრცლად მოგვიანებით გეტყვით.

- რამაზო, შორენას მთავარ შარმად რა მიგაჩნიათ?

- შორენა მთლიანად შარმია! მისი ნაწილებად დაყოფა არ შემიძლია. შორენა ბეგაშვილი მთელმა საქართველომ უნდა დააფასოს, რადგან ასეთი გაბედული, სექსუალური და "სვეტსკი" გოგოა (იცინის).

გაგრძელება