მომღერალმა დიანა ღურწკაიამ ვიდეო გადაიღო სიმღერაზე ТЕБЯ ТЕРЯЮ. ვიდეოში მომღერალი ცხოვრებაში პირველად, მაყურებლის წინაშე სათვალის გარეშე წარსდგა.
რაც შეეხება ღურწკაიას პირად ცხოვრებას, 36 წლის მომღერალი საკუთარ ცხოვრებაზე ასე საუბრობს:
"ყველაფერი მაქვს, რაც ბედნიერებისთვის მჭირდება. შესანიშნავი ოჯახი - მეუღლე და ვაჟი, რომელსაც რამდენიმე დღის წინ 6 წელი შეუსრულდა. ვაკეთებ საყვარელ საქმეს და მყავს საკუთარი მსმენელი. მაქვს სხვა ადამიანების დახმარების შესაძლებლობა - უსინათლო ბავშვებისთვის ფესტივალს ვმართავ, ისინი სცენაზე გამოდიან და მღერიან. ღმერთს მადლობას ვწირავ ყველაფრისთვის. დაე, ყველაფერი მუდამ ასე იყოს", - ამბობს მომღერალი.