"ლედ ზეპელინის" სოლისტ რობერტ პლანტს საქართველოში სურს კონცერტის გამართვა

რუსეთის მთავარი საკონცერტო სააგენტოს ”თისიაის” ცნობით, ლეგენდარული ბრიტანული ჯგუფის ”ლედ ზეპელინის” ყოფილმა სოლისტმა რობერტ პლანტმა რუსეთში კონცერტის გამართვაზე უარი განაცხადა.

”თისიაის” დირექტორის თქმით, პლანტის უარი განპირობებული იყო პოლიტიკური მიზეზებით. ამავდროულად ”ლედ ზეპელინის” ყოფილმა ლიდერმა ინტერესი გამოთქვა საქართველოში, სომხეთში, აზერბაიჯანსა და ყაზახეთში კონცერტების გამართვაზე.

სხვა მუსიკოსები, რომლებმაც რუსეთში პოლიტიკური მიზეზების გამო თქვეს უარი კონცერტების გამართვაზე, არიან: პიტერ გებრიელი, ჯგუფ Dire Straits-ს დამაარსებელი მარკ ნოფლერი, ჩეხური დუეტი ტარა ფუკი და ”სუხიშვილი-რამიშვილი”.

მომზადებულია 365news.biz-ს მიხედვით.