კვირის ყველაზე კითხვადი სტატიები
თვის ყველაზე კითხვადი სტატიები
10:04 / 15-10-2015
ზღაპრული, სკანდალური, ხანმოკლე... ქორწინებები და ულამაზესი ქართველი პატარძლები
ნებისმიერი ადამიანის ცხოვრებაში ქორწილი უმნიშვნელოვანესი მოვლენაა, თითქმის ყველა გოგონა ბავშვობიდან იწყებს მშვენიერ უფლისწულსა და საქორწილო აქსესუარებზე ოცნებას, თუმცა ზოგჯერ ულამაზეს სასიყვარულო ისტორიას და საქორწილო ცერემონიალს არცთუ ხანგრძლივი ოჯახური ცხოვრება მოჰყვება ხოლმე, თუმცა ის ერთი განსაკუთრებული დღე ნებისმიერი წყვილის ცხოვრებაში უმნიშვნელოვანესად რჩება. (ფოტოგალერეა)

ქართულ-ამერიკული ქორწილი

ერთ-ერთი ბოლო, რომელიც ქართველი საზოგადოების ყურადღების ცენტრში მოექცა, მოდელისა და ტელწამყვანის, ნუკი კოშკელიშვილის ამერიკული ქორწილი იყო. ა.წ. სექტემბერში, ნიუ იორკში, ერთ პატარა, ლამაზ პარკში, ქართულ-ამერიკული ქორწილი გაიმართა, პატარძალი 25 წლის ნუკი კოშკელიშვილი გახლდათ, ნეფე - ამერიკელი რადიოლოგი, 35 წლის ბენ ჰაიმი. როგორც ნუკის დედა მედიასთან ყვებოდა, ქორწილი ვიწრო წრეში ჩატარდა, საპატარძლომ კაბა თბილისში იყიდა, რომელიც ბენს ქორწილამდე არ უნახავს. "საქორწილო ცერემონიალისას ნუკი რომ დაინახა, ტირილი დაიწყო. ბენს ნუკი ძალიან უყვარს," - უთხრა ერთ-ერთ ჟურნალს ნუკის დედამ.

სკანდალური ქორწინება


სკანდალური გამოდგა მომღერალ ნინი ბადურაშვილისა და ყოფილი წყალბურთელისა და მოსკოვში მოღვაწე ბიზნესმენის ირაკლი კუტალაძის ქორწინება, თუმცა საქორწილო სამზადისი და თავად ქორწილი, რომელიც 2012 წელს, "შერატონში" გაიმართა, უალამაზესი იყო. წყვილმა ჯვარი სვეტიცხოველში დაიწერა, თუმცა მათი თანაცხოვრება ხანმოკლე გამოდგა და ცოლ-ქმარი რამდენიმე თვეში დაშორდა ერთმანეთს.

ზღაპრული ქორწილი, მაგრამ ხანმოკლე ოჯახური ცხოვრება

მეტად ხანმოკლე აღმოჩნდა მსახიობ გიორგი ვარდოსანიძისა და მოცეკვავე სალომე ჭაჭუას ქორწინება, თუმცა მათი სიყვარულის ისტორია, რომელიც ტელეპროექტ "ცეკვავენ ვარსკვლავებიდან" დაიწყო, ნამდვილად ზღაპრულს ჰგავდა. წყვილმა ჯვარი სვეტიცხოველში დაიწერა. პატარძლის კაბა ცნობილი მომღერლის ბიონსეს კაბის ანალოგი იყო, სალომე ჭაჭუა ქორწილში პირდაპირ ბრწყინავდა, თუმცა წყვილი ერთად ორიოდ თვეს იყო.

ძვიდაღირებული


საქართველოში ერთ-ერთ ძირადღირებულ ქორწილად მიიჩნევა მუსიკოს დავით ევგენიძის ქალიშვილის, ლიკას და საქართველოს ექსპრეზიდენტ მიხეილ სააკაშვილის ბიძაშვილის ნიკა ალასანიას ქორწილი, რომელიც 2011 წელს გაიმართა. წყვილმა ჯვარი თბილისში, მამა დავითის ეკლესიაში დაიწერა და გრანდიოზული ქორწილი მთაწმინდის პარკში ღია ცის ქვეშ გადაიხადა.

გრანდიოზული

ბოლო დროის ყველაზე გრანდიოზული ქორწილი ხობის მაჟორიტარი დეპუტატის, გოდერძი ბუკიას დიზაინერმა ქალიშვილმა ლაკო ბუკიამ და მისმა რჩეულმა რეზიკო მანჯგალაძემ გადაიხადეს. წყვილმა მდიდრული ცერემონიალი ჩაქვში, სასტუმრო "ოაზისში" გამართა.
გრანდიოზულ ქორწილს ცნობილი ადამიანები, შოუბიზნესის წარმომადგენლები და მთავრობის წევრებიც ესწრებოდნენ, მათ შორის, პრემიერ-მინისტრი ირაკლი ღარიბაშვილი და ვიცე-პრემიერი კახა კალაძე. ქორწილში თამარ გვერდწითელი, დათო ხუჯაძე, ოპერისა და ესტრადის მომღერლები მღეროდნენ და სუხიშვილების მოცეკვავეები ცეკვავდნენ.

ყველაზე წარმომადგელობით ქორწილები საქართველოს ფარგლებს გარეთ

ბრიტანეთში მოღვაწე ცნობილმა მომღერალმა ქეთი მელუამ და მსოფლიოს ჩემპიონმა, მოტომრბოლელმა ჯეიმს ტოსელენდმა ქორწილი 2012 წლის 1-ლ სექტემბერს, ლონდონის დასავლეთით, ბრიტანეთის სამეფო ბაღში – კიუში გადაიხადეს. საქორწინო ცერემონიალს 200 სტუმარი ესწრებოდა. მათ შორის იყვნენ და განსაკუთრებული სტუმრის სტატუსით სარგებლობდნენ: ნიდერლანდების პრინცი პიტერ-ქრისტიან მიხელი, მუსიკალური პროდიუსერი უილიამ ორბიტი, კომპოზიტორი მაიკ ბატი და სხვები. პატარძალს თეთრი, ლამაზი, კლერ პეტიბოუნის შექმნილი, ძვირფასი გიპიურით გაფორმებული საქორწილო კაბა ეცვა და გაშლილ თმაში სადა, მინდვრის ყვავილებისგან დაწნული გვირგვინი ეკეთა.

ქეთა თოფურიასა და ლევ გეხმანის მოსკოვურ საქორწინო ცერემონიას კი, რომელიც ქართველი მომღერლის დაბადების დღეს დაემთხვა, 500-ზე მეტი სტუმარი ესწრებოდა.
You must have Flash Player installed in order to see this player.
ქეთას ქორწილში პარიზში შეძენილი კაბა ეცვა. ცერემონიას ალა პუგაჩოვასა და იგორ კრუტოიდან დაწყებული, სხვა ცნობილი და ახალგაზრდა შოუბიზნესის წარმომადგენლები ესწრებოდნენ.
საქორწინო ღონისძიება ორ ნაწილად ჩატარდა, პირველი ნაწილი ალექსეი ჩუმაკოვმა წაიყვანა, ხოლო მეორე - მაქსიმ გალკინმა.

იხილეთ ფოტოგალერეა
17:57 / 22-02-2016
ნიმო ბადურასჰვილი ამატტან რა სახსენებელიაა ის კაცი აზზე მოვიდა დროზე
petre koxi
13:01 / 22-02-2016
რა გითხრთ სხვის ოჯახში რა ხდება რას გაიგებ?
1. ბადურაშვილს ქორწილის ფოტოზე ჩამოსტირის ცხვირი, ანუ ზედ ეტყობოდა რაც იქნებოდა;
2. სალომე და გიორგი მართლა კარგი წყვილი იყო, მარა ორ თვეში დაშორება რა პონტია არ მესმის, ნამეტანი არასერიოზულობაა;
3. ეს ბედია ნამდვილი კეკელკა, ფულს და ბრჭყვიალებს დახამებული;
4. თოფურია აშკარად ფულის გამო გაყვა, თორემ რას გავს ის ტიპი.
და ასე შემდეგ, მეზარება წერა:_)))

არ დაბლოკოთ:
roma
ამ კატეგორიის სხვა სიახლეები
15:16 / 22-01-2017  Image ქალთა სოლიდარობის აქციები ამერიკისა და მსოფლიოს სხვა ქალაქებში - რას ითხოვს ასი ათასობით დემონსტრანტი
+VIDEO| აშშ-ის დედაქალაქში საპროტესტო აქცია, "ქალების მსვლელობა ვაშინტონში" გაიმართა
18:38 / 22-01-2017  Image სოფო გორელაშვილი ქორწილის დღეს იხსენებს - "თავიდან, როცა მან ცოლობა მთხოვა..."
"სანამ არ დამწერეს ჯვარი და თბილისში არ ჩამოვედი, ვერ გავიაზრე, რომ ეს ნაბიჯი გადავდგი"
21:16 / 22-01-2017  Image 170 ათასი მაყურებელი ალა პუგაჩოვას წინააღმდეგ - მომღერალი მათ "მოლაპარაკე ჩუსტებით" პასუხობს
+VIDEO| როგორც აღმოჩნდა, რუს მაყურებელს ადგილობრივი შოუბიზნესის დედოფლის, ალა პუგაჩოვას
11:18 / 21-01-2017  Image ტრამპის ვაჟის ემოცია მამის ინაუგურაციის დღეს
+VIDEO: ტრამპი აშშ-ის 45-ე პრეზიდენტის მოვალეობის შესრულებას ოფიციალურად შეუდგა
16:09 / 01-03-2016  Image რა არ უნდა გააკეთოთ სექსამდე არასდროს
ახალბედებმა ეს წესები აუცილებლად უნდა გაითავისონ იმისთვის, რომ წარუმატებლობის მსხვერპლი
ფოტოგალერეა
კვირის ყველაზე კითხვადი
ინტერნეტკონფერენცია
2017-01-06 14:16:35
თბილისის სააპელაციო სასამართლოს მიერ გამოტანილი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49