კვირის ყველაზე კითხვადი სტატიები
თვის ყველაზე კითხვადი სტატიები
შრიფტი
12:11 / 26-01-2016
5 ქართველი დიზაინერი, რომლებმაც მსოფლიო მოდის ინდუსტრია დაიპყრეს
რუსულმა გამოცემა StyleNews-მა დაასახელა ხუთი ქართველი დიზაინერი, რომელთა სახელები უკვე დიდი ხანია ნიუ-იორკში, პარიზში, ლონდონსა და მოდის სხვა დედაქალაქებში ცნობილია.

ხილეთ ვიდეო

დემნა გვასალია
თბილისის სახელმწიფო უნივერსიტეტის და ანტვერპის სამეფო აკადემიის ხელოვნების ფაკულტეტის კურსდამთავრებული 2009-2012 წლებში Maison Martin Margiela-ში ქალების კოლექციის დიზაინერის პოზიციას იკავებდა, 2012-2014 წლებში კი LOUIS VUITTON-ში. 2015 წელს "ვუნდერკინდი ქართველი დიზაინერი", როგორც მას ერთ-ერთმა დასავლურმა გამოცემამ უწოდა, Balenciaga-ს კრეატიულ დირექტორად დაინიშნა. ბრენდისთვის თავისი პირველი კოლექცია გვასალიამ 2016 წლის მარტში უნდა წარადგინოს. ის ასევე განაგრძობს ბრენდ Vetements-ის კოლექციის
შექმნასაც.

რია ქებურია
ქებურიამ მოსკოვის სახელმწიფო უნივერსიტეტის სოციოლოგიის ფაკულტეტი დაამთავრა, რის შემდეგაც საფრანგეთში გადაბარგდა, სადაც მარკეტინგს სწავლობდა American University of Paris-ში, პარალელურად კი სწავლა დაიწყო International Fashion Academy-ში ტანსაცმლის დიზაინის პროფილით. პრინტების და ტექსტურის მიქსი, ამოტრიალებული იმიჯები და არაორდინალური სტილი, რომელიც ქართველ კოლორიტს ახასიათებდა, ლედი გაგას სტილისტისთვის მიმზიდველი აღმოჩნდა. "ჩემი ბრენდი კონცეპტუალური იქნება, მინდა მოდაში მეტი ხელოვნება შევიტანო", - განაცხადა ქებურიამ ინტერვიუში. არჩეული გეზი აშკარად წარმატებას მოუტანს მას, რადგან მოდის და ხელოვნების ნაზავი ბოლო წლების მთავარი ტრენდია.

დევიდ კომა
ახალგაზრდა და ნიჭიერი ლონდონელი დიზაინერი თბილისში დაიბადა. უნივერსიტეტი სანკტ-პეტერბურგში დაამთავრა, ლონდონში გადასვლით კი სერიოზული ნაბიჯი გადადგა კარიერაში. იქ ჩასვლისთანავე მოეწყო Central Saint Martins College of Art&Design-ში. მისი სადიპლომო ნამუშევარი კურსზე საუკეთესოდ აღიარეს. შემდეგმა კოლექციამაც აღიარება და ორი პრესტიჟული ჯილდო - Harrods Design Award და Vauxhall Fashion Scout Merit Award მოუტანა მას. ფეშენ ინდუსტრიის დებიუტანტზე V Magazine და Dazed&Confused წერდნენ. მალევე კომახიძემ (დიზაინერის ნამდვილი გვარი) კონტრაქტი გააფორმა ლონდონურ მაღაზია Brown’s Focus-თან. 2009 წელს ის ახალგაზრდა დიზაინერების მხარდაჭერის პროგრამის გამარჯვებული ხდება და საკუთარ მარკას ქმნის. ახლა დევიდი 29 წლისაა და ის ერთ-ერთი ყველაზე ცნობადი ახალგაზრდა დიზაინერია ლონდონში, 2014 წლიდან კი Thierry Mugler-ს კრეატიული დირექტორიც გახლავთ. აცმევს გვინეტ პელტროუს, ჯენიფერ ლოპესს, ბიონსესა და შოუბიზნესის სხვა ვარსკვლავებს.

ალექსანდრ არუტინოვი
არუტინოვი დიდი ხანია მოღვაწეობს რუსული მოდის ინდუსტრიაში. დიზაინერი, რომელიც საქართველოში დაიბადა და გაიზარდა, ცნობილია თავისი პერფექციონიზმით. მისი ჩვენებები ერთ-ერთი ყველაზე სანახაობრივი შოუებია მოსკოვში. მისი ბრენდი 2011 წელს შეიქმნა. სწორედ მაშინ წარადგინა დიზაინერმა თავისი პირველი ჩვენება. ცოტა ხნის წინ მისი მარკის სათვალეში ლედი გაგა გამოჩნდა, რამაც დიზაინერი მსოფლიო ორბიტაზე გაიყვანა.

ლალო დოლიძე
ტყუპმა დებმა - ნინო და ლალო დოლიძეებმა თავიანთი ბრენდი 2013 წელს დააარსეს. აღსანიშნავია, რომ ლალოს არ აქვს სპეციალური განათლება, ის თვითნასწავლი დიზაინერია, რაც მის ისტორიას მომხიბვლელობას მატებს. მისი მარკის ნაქსოვი სამოსის ყიდვა შესაძლებელია მოსკოვში, ამერიკაში, იტალიაში, პორტუგალიაში, ყაზახეთში, აზერბაიჯანში, ხორვატიაში და მექსიკაში. ცოტა ხნის წინ კი საიტ Moreislove.com-ზეც.

მომზადებულია stylenews.ru-ს მიხედვით
21:32 / 02-02-2016
marina
0
საბრალო შურიანებო!!! როგორ არ გიხარიათ თქვენი ჯიშის წარმატებები?!
მათ ამ ყველაფერს დიდი შრომით და ნიჭით მიაღწიეს.დაე, სხვაც ბევრი მიმატებოდეთ.
10:15 / 27-01-2016
გიო
0
ზალიკო სადა ვერ ვხედავ
მსგავსი სიახლეები
”ძალიან მომწონს ”ბალენსიაგას” ეს არაჩვეულებრივი სამოსი”
"ვარსკვლავები სათანადოდ განლაგდებიან და სამყაროც "გპასუხობს": ვიღაც გირეკავს სასურველი შემოთავაზებით და შენც თანხმდები"
შემოდგომა-ზამთრის კოლექციების ყველაზე პოპულარული ფეხსაცმელი
ნიუ-იორკში შვილთან ერთად სეირნობისას დიზაინერმა წითელი სამოსი შეარჩია
გარისკავდით, წახვიდეთ სამსახურში ”ფაიფურის ტუჩებით”, ან - ბეწვით ფრჩხილებზე?
"ბალენსიაგას" კროქსი, სავარაუდოდ, 250 დოლარი ეღირება
როგორც ჩანს, ქართველი დიზაინერები ნელ-ნელა მსოფლიოს იპყრობენ
მოდურად ჩაცმა, პირდაპირ რომ ვთქვათ, საკმაოდ რთული საქმიანობა იყო წარსულში
კეთილი ადამიანები თოვლის პაპის როლში
ამ კატეგორიის სხვა სიახლეები
17:11 / 19-11-2017  Image კახა კალაძე - მომავალში მშენებლობებზე ნებართვების გაცემა განსხვავებული იქნება
"სამწუხაროდ, რაც აშენდა, იმას ვერაფერს ვუზამთ"
20:55 / 19-11-2017  Image ფოთის პორტში უკრაინული ბორანი შემოვიდა, რომელზეც, სავარაუდოდ, უკრაინიდან დეპორტირებული ქართველები იმყოფებიან
მათ შორის უნდა იყოს "რუსთავი 2"-ის კიევის ბიუროს ოპერატორი თამაზ შავშიშვილი
12:19 / 19-11-2017  Image რუსეთში შექმნილ iPhone X-ზე შავი ხიზილალა, ქვეყნის გერბი და ჰიმნია გამოსახული
კომპანიამ კიდევ ერთი ექსკლუზიური მოდელი შექმნა, რომელიც მოსკოვში ბინის ფასი ღირს
16:33 / 13-01-2017  Image 10 წესი, როგორ მოიზიდოთ ფული - ძველი ჩინური სიბრძნე
ფენ შუი უძველესი ჩინური სიბრძნეა, რომლის მიხედვითაც სამყარო ერთი დიდი ორგანიზმია და
16:15 / 18-11-2017  Image სექსრობოტ სამანტაზე მოთხოვნა იმდენად დიდია, მწარმოებლებს საჭირო რაოდენობის დამზადება უჭირთ
სილიკონის სამანტას მუქი ყავისფერი თმა აქვს, მწვანე თვალები და რეალურის მსგავსი სასქესო ორგანოები
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49