კვირის ყველაზე კითხვადი სტატიები
თვის ყველაზე კითხვადი სტატიები
შრიფტი
14:20 / 16-02-2016
ნანი ბრეგვაძე მიხეილ სააკაშვილზე: "ქართველი ნებისმიერ შემთხვევაში უბრუნდება საკუთარ მიწას"
რომანსების ქართველი დედოფალი ნანი ბრეგვაძე 80 წლის ხდება. მომღერალი მრავალწლიანი კარიერის დასრულებას ივლისში, საიუბილეო საღამოზე აპირებს. ამის შესახებ ბრეგვაძემ უკრაინულ გამოცემა ГОРДОН-თან ინტერვიუში ისაუბრა. ამჟამად, მომღერალი 8 მარტს კიევში გასამართი კონცერტისთვის ემზადება. ნანი უკრაინულ სცენაზე ქალიშვილთან, ეკა მამალაძესთან და შვილიშვილთან, ნატალია ქუთათელაძესთან ერთად წარსდგება. მათთან ერთად უკრაინელი მსმენელისთვის ბუბა კიკაბიძეც იმღერებს.

ინტერვიუში რომანსების დედოფალმა არა მხოლოდ შემოქმედებით გეგმებზე და ოჯახზე, არამედ პოლიტიკაზეც ისაუბრა. მიუხედავად იმისა, რომ ჟურნალისტი ელენა პოსკანნაია დასაწყისშივე გააფრთხილა: "პოლიტიკურ თემებზე არ ვისაუბრებ. ეს ჩემი საქმე არ არის.
თანაც, ისეთი მდგომარეობაა, ღმერთმა არ ქნას, რამე წამოგცდეს - პრობლემები არ აგცდება"

- ახლა ხომ უკრაინაში ძალიან რთული ვითარებაა, მიდის ომი, ყველას უნდა ჰქონდეს საკუთარი არჩევანი და პოზიცია...
- მე მაქვს ჩემი მოსაზრება, მაგრამ არ მინდა ვისაუბრო, ზედმეტი სპეკულაციების თავიდან აცილების მიზნით. ინტერვიუზე იშვიათად ვთანხმდები, რადგანაც მისვამენ შეკითხვებს, რომლებსაც გულწრფელად ვპასუხობ, შემდეგ კი ვიღაცეები მას სხვანაირად იგებენ. ამიტომ, სჯობს არ შევეხო ასეთ თემებს. სჯობს, პოლიტიკით პოლიტიკოსები დაკავდნენ.

- ქართული გუნდის უკრაინულ მოღვაწეობას თვალყურს არ ადევნებთ?
- ვუყურებ სიახლეებს. საქმის კურსში ვარ, მაგრამ არ ვერთვები დისკუსიებში. სიბერის წლებში სულიერი სიმშვიდე მინდა და არა ემოციური ჩართულობა საზოგადოებრივ-პოლიტიკურ დისკუსიებში. არ მესმის, როგორ შეიძლება თქმა: ეს ადამიანები მიყვარს, ეს ადამიანები - არა. მე ყველა მიყვარს. მიყვარს უკრაინელები, რუსები, ბელორუსები, აზერბაიჯანელები, სომხები... ყველგან არიან არაჩვეულებრივი ადამიანები. ეძიეთ მათში კარგი და არა ცუდი. ასეთ შემთხვევაში, ყველა ბედნიერად იცხოვრებს დედამიწაზე.

- და მაინც, საქართველოს ყოფილი პრეზიდენტი ახლა ოდესის ოლქის გუბერნატორია. ვიცი, ბევრი ქართველი მიხეილ სააკაშვილზე გაბრაზებულიც კია იმის გამო, რომ მან მიიღო უკრაინის მოქალაქეობა და ვერ შეძლებს კიდევ ერთხელ გახდეს საქართველოს პრეზიდენტი. საინტერესოა, თქვენ რას ფიქრობთ ამაზე?
- ეს მე არ მეხება. მე მიყვარს ჩემი სამშობლო. საქართველო - ჩემი მშვენიერი ქვეყანა. ვერ წარმომიდგენია, რა შეიძლება გიყვარდეს მეტად. ვერ წარმომიდგენია, დავტოვო თბილისი! მეორეს მხრივ, ყველას თავისი ცხოვრება აქვს. მიემგზავრებიან ე.ი ასეა საჭირო. თუმცა, ერთი რამ ზუსტად ვიცი: არც ერთი ქართველი სამუდამოდ არ დარჩენილა საქართველოს საზღვრებს გარეთ და ოდესმე, ნებისმიერ შემთხვევაში უბრუნდება საკუთარ მიწას.

მომზადებულია gordonua.com-ის მიხედვით
14:58 / 18-02-2016
ნინი
0
აუ რამდენი ყოფილხართ ღვარძლიანი, დაბოღმილი ....და უაზრო წერისა და კითხვისას...ანუ, ზუსტად ის საზოგადოება როგორც მოქმედმა პრეზიდენტმა შეაფასა ქართული საზოგადოება. უკვე, შემეშინდა!
13:36 / 18-02-2016
წყალნი წავლენ და წამოვლენ...
0
ნანი, ღირსეული ქალბატონი ბრძანდებით, პროფესიონალი და ბევრ თქვენზე ასაკით ახალგაზრდაზე თანამედროვედაც აზროვნებთ.

მიშაც დაბრუნდება, გრიშაც და ტქვენ კი ვერ მოესწრებით ბოღმისაგან გამსკდრები...
მეცინება, ეს ბნელი ბოღმები "ყველაფერი ქართული, საქართველო" და მისთანებს რომ გაიძახით პათეტიკურად. ან იმაზე მაინც შეთანხმდით, კა-გე-ბე-ს აგენტია მიშა თუ ცე-ერ უ -სი. იქნებ ქ-ნი ნანიც აგენტია და ყველა ჭკვიანი პროფესიონალი, ვინც თქვენ გესლს არ იზიარებს?!
იცოდა ამ ქალმა ერთუჯრედიანების რეაქცია და იმიტომ გააკეთა ასეთი ნეიტრალური განცხადება.
მსგავსი სიახლეები
"ვფიქრობ დედაჩემზე... მისი მდგომარეობა გაუარესდა ვეღარც დადის და ვერც გველაპარაკება..."
სააკაშვილის განცხადებით, კიევში სახლიდან "რუსთავი-2"-ის ჟურნალისტი თამაზ შავშიშვილი გაიტაცეს
"მიხეილ სააკაშვილი დედას და ბებიას ვენაში შეხვდა"
"უკანონობა მარტო მე რომ მეხებოდეს, ასე საჯაროდ არ ვუპასუხებდი"
კიევი აპირებს რუსეთში უკრაინის ინტერესების წარმოდგენა ბელორუსს, ან შვეიცარიას თხოვოს
+PHOTO "დღეს, როგორც იქნა, საიმიგრაციო სამსახურისგან მივიღე დოკუმენტი..."
+VIDEO "ბევრი გაზვიადებაც შეიძლება იყოს, მაგრამ ფაქტია, რომ ციხეებში ბევრი უბედურება ხდებოდა"
შესაბამისი განცხადება მან "ფეისბუქის" საკუთარ გვერდზე გამოაქვეყნა
ამ კატეგორიის სხვა სიახლეები
17:11 / 19-11-2017  Image კახა კალაძე - მომავალში მშენებლობებზე ნებართვების გაცემა განსხვავებული იქნება
"სამწუხაროდ, რაც აშენდა, იმას ვერაფერს ვუზამთ"
23:51 / 19-11-2017  Image თამაზ შავშიშვილმა ფოთის პორტი დატოვა, მას უკრაინიდან სამწლიანი დეპორტაცია აქვს
მან ჟურნალისტებთან პირველი კომენტარი გააკეთა და გაიხსენა, რა ვითარებაში მოხდა მისი დაკავება
12:19 / 19-11-2017  Image რუსეთში შექმნილ iPhone X-ზე შავი ხიზილალა, ქვეყნის გერბი და ჰიმნია გამოსახული
კომპანიამ კიდევ ერთი ექსკლუზიური მოდელი შექმნა, რომელიც მოსკოვში ბინის ფასი ღირს
16:33 / 13-01-2017  Image 10 წესი, როგორ მოიზიდოთ ფული - ძველი ჩინური სიბრძნე
ფენ შუი უძველესი ჩინური სიბრძნეა, რომლის მიხედვითაც სამყარო ერთი დიდი ორგანიზმია და
16:15 / 18-11-2017  Image სექსრობოტ სამანტაზე მოთხოვნა იმდენად დიდია, მწარმოებლებს საჭირო რაოდენობის დამზადება უჭირთ
სილიკონის სამანტას მუქი ყავისფერი თმა აქვს, მწვანე თვალები და რეალურის მსგავსი სასქესო ორგანოები
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49