ინტერნეტკონფერენცია
ვერ მოიძებნა
კვირის ყველაზე კითხვადი სტატიები
თვის ყველაზე კითხვადი სტატიები
შრიფტი
12:15 / 18-03-2016
"ამ ქალებს არ ჰქონიათ ისეთ კაცთან ურთიერთობა, ვინც "მონობას" დაავიწყებს" - ცნობილი ქართველი ქალები ოჯახსა და ქმრის როლზე
ქალის და კაცის თანასწორ უფლებებზე ბოლო დროს სულ უფრო ბევრს საუბრობენ. არსებობენ ქალები, რომლებიც მიიჩნევენ, რომ გათხოვება ქმრის მონობაა, თუმცა ბევრს საპირისპირო მოსაზრება აქვს, რომ კაცის მონობა ქალის ბრალია. რას ფიქრობენ ამაზე ცნობილი მანდილოსნები, ამაზე თავად ისაუბრებენ.

მომღერალი ნინი ქარსელაძე იმ ქართველ ქალებს არ ეკუთვნის, ვინც გენდერული თანასწორობის მომხრეა.

- გენდერული თანასწორობის მომხრე არ ვარ. ჩემი აზრით, ოჯახში წამყვანი მაინც მამაკაცია. სწორედ მან უნდა აიღოს საკუთარ თავზე ოჯახის ყველა სირთულე. წყვილი ურთიერთშეთანხმებულად უნდა ცხოვრობდეს, რასაც ბევრი სხვადასხვა კომპონენტი განაპირობებს, სწორედ ეს შეთანხმება და კომპონენტები ქმნის ოჯახს იდეალურს.

- გათხოვება ქმრის მონობაა?

- ჩემთვის სირცხვილია ამ თემაზე საუბარი. ორი ძმა მყავს, რომლებსაც საჭმელსაც ვუკეთებ და ტანსაცმელსაც ვურეცხავ, მაგრამ ეს მონობა არ არის. ამას სიყვარულით ვაკეთებ. ეგ ქალბატონები ცდებიან, ან არ ჰქონიათ ისეთ მამაკაცთან ურთიერთობა, ვინც ამ ფრაზას დაავიწყებს. ეს იმ ქალების წარმოდგენაა, ვისაც აზიატ კაცებთან აქვს ურთიერთობა. არც ჩემი ოჯახის მამაკაცები, არც ჩემი ყოფილი შეყვარებული და მეგობრები არ არიან აზიატი ბუნების ადამიანები. აზიატ ხასიათს და ეჭვიანობას ნდობა განაპირობებს, თუ კაცი ქალს ენდობა, ეჭვიანობა მეორე პლანზე გადადის.

- როცა კაცი ეჭვიანობს, ყოველთვის იძლევა ქალი ამის საბაბს?
- ყოველთვის არ იძლევა ქალი ამის საბაბს. რაღაც მცირე მიზეზი არსებობს, როცა კაცი ეჭვიანობას იწყებს.

მომღერალ მაია ჯაბუას ქალიშვილი, მომღერალი ლიზა ყენია ოჯახში თანასწორობის მომხრეა:

- ოჯახში თანაბრად უნდა იყოს გადანაწილებული ქალის და კაცის ფუნქციები. როცა წყვილი სწორად აზროვნებს და განვითარებული ადამიანები არიან, არცერთს არ მოუწევს იმაზე საუბარი, ვინ იქნება ოჯახში წამყვანი. თუმცა ქალს თავის საქმე აქვს, კაცს - თავისი. ცოტა უცნაური იქნება, ქალმა კაცს იატაკის მოწმენდა მოსთხოვოს, თუმცა რაღაც თუ დაისხმება კაცმაც შეიძლება მოწმინდოს და არც ეს იქნება სირცხვილი. წყვილს ურთიერთპატივისცემა უნდა ჰქონდეს.

- ქართველი კაცები თავიანთი ბუნების გამო ბევრ რაღაცას უკრძალავენ ცოლებს...
- ჩემს ოჯახში ასეთი რამ არ ხდება. ქართველი კაცი თვლის, რომ ქალს თავისი ადგილი უნდა ჰქონდეს, რაც მე არ მომწონს. ეჭვიანი ადამიანი არ შემიყვარდება, მით უმეტეს, ჩემი ქმარიც ვერ გახდება. ქართველ კაცებს ლამაზი ცოლები უნდათ და როცა სადმე მიდიან ამ ლამაზ ცოლთან ერთად, ქალი თუ სექსუალურად გამოიყურება, იბოღმებიან. მე რომ კაცი ვიყო, ვიამაყებდი ლამაზი ცოლით და მოკლეს ჩავაცმევდი.

სკანდალური მოდელი ნინი ონიანი თვლის, რომ ვინ იქნება ოჯახში წამყვანი ძალა, ეს წყვილმა ინდივიდუალურად უნდა გადაწყვიტოს.

- ეს პირადი ამბავია, წყვილმა თავად უნდა გადაწყვიტოს, ვინ იქნება წამყვანი ოჯახში. ზოგადად ვთვლი, რომ რაღაც მომენტში ორივე წამყვანი უნდა იყოს.

- გათხოვება ქმრის მონობაა?
- არა, რა სისულელეა. გათხოვება ქმრის მონობას არ ნიშნავს. იმ ქალებს, ვინც ასეთი მესიჯებით გამოვიდა ქუჩაში, ვფიქრობ სხვა რაღაცის თქმა უნდოდათ. გათხოვება თავისუფლების შეზღუდვას არ ნიშნავს. ქმარი თუ თავისუფლებას გიზღუდავს, არც უნდა გათხოვდე. როცა ქმარი, შეყვარებული და ბოიფრენდი
გყავს, უფრო თავისუფალი ხარ, ვიდრე მაშინ როცა მარტო ხარ.

- რა არ მოგწონს ქართველი კაცის ხასიათში?
- არ მომწონს - "ქალი ვიცი კუხნაში". ქალი არ არის გაჩენილი იმისთვის, რომ კაცს ემსახუროს. მაგრამ ბევრი კაცი ასე თვლის, მე ნორმალურ ქართველ კაცებთან მაქვს ურთიერთობა, რომლებმაც კარგად იციან ქალის ფასი.

ტელეწამყვანი და მოდელი ლიკა ქორქია მიიჩნევს, რომ ქალი რეალიზებული უნდა იყოს და სწორედ ეს არის წარმატებული და ჰარმონიული ოჯახის გარანტი.

- ოჯახში თანაბრად უნდა იყოს გადანაწილებული ქალის და მამაკაცის როლი. ყველა საკითხი ურთიერთშეთანხმების საფუძველზე უნდა გადაიჭრას. ადრე თითქოს წესი იყო, რომ მხოლოდ კაცს აეღო ოჯახური რუტინა თავზე. ახლა ასე არ ხდება. ჩემი თაობის ბიჭებში - ცოტა, მაგრამ არიან ისეთები, ვინც თვლის, რომ ქალი უნდა იყოს რეალიზებული. სხვანაირად იმას მივიღებთ, რასაც ვიღებდით აქამდე.

- შენი აზრით, რატომ ითვლება, რომ ოჯახში წამყვანი უნდა იყოს მამაკაცი?

- არ ვიცი, ეს ბევრ კომპლექსებთანაცაა დაკავშირებული. ალბათ იმიტომ, რომ ჩვენს ქვეყანაში ქალი რეალიზებული არ არის. ქალები თვლიან, რომ მხოლოდ იმისთვის დაიბადნენ, შვილები გააჩინონ და აღზარდონ. ეს ასე არ არის, ქალი არის ადამიანი, რომელსაც ბევრი რაღაცის გაკეთება შეუძლია ცხოვრებაში. ბევრი სარგებელის მოტანა ქვეყნიერებისთვის. მამაკაცებს ხომ აქვთ უფლება, ყველაფერი აკეთონ, ქალსაც ასევე აქვს. მათ თავიათი რესურსი უნდა დახარჯონ იმისთვის, რომ იყვნენ გახარებულები და ბედნიერები, ქმარს არ მოსთხოვონ ყველაფერი. როცა ორი რეალიზებული ადამიანი ცხოვრობს ოჯახში, უფრო კარგია.

თამუნა ვაშალომიძე საზოგადოებამ სკანდალურად გაიცნო. ის თვლის, რომ კაცმა ქალს ქალურობა უნდა აგრძნობინოს და სწორედ ეს იქნება ჰარმონიული ცხოვრების გარანტი.

- ოჯახში ქალსაც და კაცსაც ერთნაირად უნდა ეთქმოდეს სიტყვა. წარმოუდგენელია ქალი თეფშებს რეცხავდეს და კაცი ტელევიზორს უყურებდეს. პირიქით, უნდა დაეხმარო მეუღლეს. მე ასეთი ოჯახი არ მეყოლება. კაცი ძლიერი უნდა იყოს, მაგრამ სიძლიერე ქალის ჩაგვრას არ ნიშნას. მე გენდერული თანასწორობის მომხრე ვარ. მაგრამ ეს იმას არ ნიშნავს, ქალმა კაცს თეფშები ურტყას. ქალს კაცმა ქალურობა უნდა აგრძნობინოს. სწორედ ეს არის კაცის სიძლიერე.

- ქალი კაცის მორჩილი უნდა იყოს?
- რა სისულელეა. ირანში აღარ არის ქალი კაცის მორჩილი და საქართველოში შემორჩა?!

- რა არ მოგწონს ქართველის კაცის ხასიათში?
- ქალი სანამ გათხოვდება, მანამდე კარგად უნდა გაიცნოს მამაკაცი. ბევრი ოჯახი ვიცი, სადაც კაცი ქალს ურტყამს, ეს ტრაგედიაა. ჩემთვის გათხოვება ბედნიერ ოჯახთან და შვილებთან ასოცირდება. შესაძლოა, რაღაც ეტაპზე ოჯახი დაინგრეს, მაგრამ გათხოვება მონობა არ არის. მე მონა არ ვიქნები. გავთხოვდები, გავაჩენ შვილებს, მაგრამ წლების მერე შესაძლოა, დავშორდე. უნდა ამოიღონ ხელისმოწერის და ჯვრისწერის დროს, წყვილს რომ ეკითხებიან, თანახმა ხართ თუ არა სიცოცხლის ბოლომდე ერთად იყოთ ჭირშიც და ლხინშიცო, ეს უნდა ამოიღონ. ქართველი კაცის ხასიათში არ მომწონს, ცოლს საოჯახო დანიშნულებით რომ უყურებენ, რომელმაც შვილები უნდა გააჩინოს და ოჯახს მიხედოს. მიუღებელია მათთვის ცოლთან გართობა და ა.შ. ქართველ კაცს შეუძლია ჰყავდეს 400 საყვარელი, ცოლს დაარტყას და ქალმა ხმა არ ამოიღოს, რაც ჩემთვის მიუღებელია. ეს ჩვენი წინაპრების ბრალიც არის. რაც არ უნდა თქვას ახალგაზრდობამ, რომ ევროპაში მივიწევთ, ფსიქოლოგიურად ასეთი წყობა გვაქვს და რამდენიმე საუკუნე ასე იქნება.

თამარ ბოჭორიშვილი
AMBEBI.GE
11:13 / 19-12-2016
კეთილი სამარიტელი
0
როდესაც წამოვიზარდე, ძალიან მინდოდა გათხოვება. როცა გავთხოვდი, მივხვდი, რომ იმისათვის რაც მინდოდა, სულაც არ იყო აუცილებელი გათხოვება.(ამონარიდი მავანი ქალბატონის დღიურიდან.} ქორწინების მსურველმა ქალბატონმაც და მამაკაცმაც უნდა გაითავისონ, რომ ქორწინება არ არის მარტო ის, რისი მიღებაც ჩვენ გვსურს და დაოჯახებას უფლებებთან ერთად მოყვება მოვალეობებიც, რომელთა იგნორირებაც ხშირად იწვევს განქორწინებას ან ერთი მხრის ძალადობას მეორეზე.
09:57 / 19-12-2016
mixo
0
რამდენი სიბრძნეა ამ ქალების ყოველ ფრაზაში. აღფრთოვანებული ვარ!
მსგავსი სიახლეები
+PHOTO ლიზა ზღვისპირა ქალაქში შეყვარებულთან და მეგობრებთან ერთად გაემგზავრა
იმ ცნობილი ადამიანების შესახებ გიამბობთ, რომლებიც სწორედ სიშიშვლით ან თამამი ჩაცმულობით გახდნენ პოპულარულნი
"ჩამოდი წავიდეთ ძალიან გავერთობით მთხოვდა და ძალიან მეზარებოდა ხალისი, არ მქონდა"
ვიმეორებ, ჩემს გმირს"HERO კრატიაში" არ ჰყავს პროტოტიპი
წყვილმა ერთმანეთი რამდენიმე თვის წინ, ეგვიპტეში გაიცნო.
ტელეწამყვან ლიკა ქორქიას სექსუალური ფოტოები საცურაო კოსტუმში "ფეისბუქ-გვერდიდან"...
ნინი ონიანი საქორწინო მოგზაურობაში იმყოფება
ამ კატეგორიის სხვა სიახლეები
22:55 / 20-07-2017  Image Linkin Park-ის სოლისტმა თავი მოიკლა
ჩესტერ ბენინგტონი საკუთარ სახლში ჩამომხრჩვალი იპოვეს
16:11 / 20-07-2017  Image ქართველმა "ფორტეპიანოს ბიონსემ" ორლანდო ბლუმი მოხიბლა - რას წერს რუსული პრესა ხატია ბუნიათიშვილზე
ამბობენ, რომ Coldplay-ის სოლისტმა, კრის მარტინმა გააცნო ბლუმს ბუნიათიშვილი
22:27 / 10-03-2017  Image თუ ყავას ყოველ დილით მიირთმევთ, ეს აუცილებლად დაგაინტერესებთ
ბევრისთვის დღის ყავით დაწყება ერთგვარი რიტუალია...
12:59 / 20-07-2017  Image თბილისში იაგუარ-ლენდ როვერის განახლებული ავტოსალონი გაიხსნა
თბილისში კომპანია „ჯითი მოტორსმა“ “იაგუარ-ლენდ როვერის” განახლებული ავტოსალონი ოფიციალურად გახსნა
13:28 / 20-07-2017  Image 19 წლის გოგონას მკვლელობაში ბრალდებულ რობერტ ახალაიას ფსიქიატრიული შემოწმება ჩაუტარდება
"მეგობრები და ლექტორები ამბობენ, რომ ძალიან წესიერი ბავშვი იყო"
პოპულარული კომენტარები
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49