კვირის ყველაზე კითხვადი სტატიები
თვის ყველაზე კითხვადი სტატიები
შრიფტი
09:58 / 21-03-2016
სილამაზის ეტალონების ფარული ნაკლოვანებები: რა არ მოსწონდათ საკუთარ თავში ლეგენდარულ ვარსკვლავებს
ფსიქოლოგიაში არსებობს ასეთი ტერმინი: "მერლინ მონროს სინდრომი". სექს-სიმბოლო საკუთარ თავს უშნოდ მიიჩნევდა... მარლენ დიტრიხი თავის ცხვირს ვერ იტანდა, ლიზ ტეილორი ზედმეტ წონას ებრძოდა, ოდრი ჰეპბერნი კი რეჟისორებს ტანჯავდა სახის მომგებიანი რაკურსის შერჩევისას გადაღების დროს. მოდით, დაწვრილებით განვიხილოთ ბევრი ქალის კერპების ეს "საშინელი" ნაკლოვანებები:

ლიზ ტეილორი - ზედმეტი წონა
ქალი, რომელსაც მილიონობით ადამიანი ეთაყვანებოდა, სინამდვილეში, გამუდმებით იბრძოდა საკუთარი სილამაზისთვის. ელიზაბეთს ზედმეტი წონისადმი მიდრეკილება და შესაშური მადა ჰქონდა. იმ დროს, როდესაც ტეილორი კინოოლიმპის სიმაღლეებს იპყრობდა, გამხდარი ქალები
მოდაში არ იყო, ამიტომაც, ლიზის მომრგვალებული ფორმები უფრო ღირსებად ითვლებოდა, ვიდრე ნაკლოვანებად. თუმცა, ასაკთან ფორმების მადისაღმძვრელ ჩარჩოში შეჩერება მას სულ უფრო უჭირდა.

ცნობილია ფაქტი, როდესაც ტეილორის მეუღლემ და მისი ცხოვრების უდიდესი სიყვარულმა რიჩარდ ბარტონმა "კლეოპატრას" გადასაღებ მოედანზე მსახიობი პირველად იხილა, განაცხადა, რომ იგი ამ როლისთვის მსუქანია. რა თქმა უნდა, მოგვიანებით, მონუსხულმა ბარტონმა საკუთარი სიტყვები უკან წაიღო. პრობლემური ზონის დასაფარად, ლიზი და მისი კოსტიუმერები ექსპლუატაციას უწევდნენ დივას ღირსებებს. კაბებს მყარი კორსეტები და ღრმა დეკოლტეები ჰქონდა. 1970-იან წლებში მსახიობის წონა კონტროლს აღარ ექვემდებარებოდა. მას შემდეგ, რაც ფილმისთვის "ვის ეშინია ვირჯინია ვულფის?" 10 კილოგრამის მომატებამ მოუწია, უწინდებურ ფორმას ვეღარ დაუბრუნდა.

ვივიენ ლი - უშნო ხელები
ვივიენ ლის სილამაზესთან ერთად, უზადო გემოვნება და სტილი ჰქონდა. მსახიობმა ელეგანტურობის ეტალონის სტატუსი გარკვეულწილად, ნატიფი აქსესუარებისადმი სიყვარულის წყალობით მოიპოვა. ვივიენი პუბლიკის წინაშე ხელთათმანების გარეშე, ფაქტობრივად, არ ჩნდებოდა. თუმცა, ცოტამ თუ იცის, რომ ამ გზით არა მხოლოდ დახვეწილი სტილის შეგრძნებას ავლენდა, არამედ, ცდილობდა, უცხო თვალისგან თავისი მთავარი ნაკლოვანება დაემალა: მსახიობი თვლიდა, რომ ძალიან უშნო ხელები ჰქონდა.

უნდა ითქვას, რომ ვივიენის მოსაზრებას მის გარემოცვაში არავინ იზიარებდა. მსახიობი კი ხელების დაფარვის მიზნით ყველა ხერხს მიმართავდა, იკეთებდა რამდენიმე ბეჭედს ერთდროულად. ის ფაქტი, რომ ამით კიდევ უფრო უსვამდა პრობლემურ ზონას ხაზს, კინოდივას ნაკლებად ადარდებდა.

მარლენ დიტრიხი - ფართო ცხვირი
რომანტიკული ქალურობის ეტალონად მარლენ დიტრიხი საკუთარ თავზე გულმოდგინედ მუშაობის წყალობით იქცა. ფილმის "ცისფერი ანგელოზი" გადაღებამდე მარლენი სრულიად არაეფექტური და ცუდი აღნაგობის გახლდათ. ჰოლივუდის დასაპყრობად მან საგულდაგულოდ შეიცვალა იმიჯი: თმა ქერად შეიღება, რამდენიმე კბილი ამოიღო, რათა სახე უფრო გამხდარი გამოჩენოდა, იცავდა მკაცრ დიეტას. თუმცა, მსახიობის გარეგნობაში იყო ერთი დეტალი, რომლის წინაშეც იგი უძლური იყო. მარლენს არაპროპორციული, ფართო ცხვირი ჰქონდა.

კადრში ლამაზად გამოსაჩენად, სწორი რაკურსი იყო შესარჩევი, ფოტოზე კი - საჭირო კუთხე და განათება. ცხოვრებაში ამ ნაკლოვანების დასაფარად, მარლენი მაკიაჟის ხრიკებს მიმართავდა, რომელიც სპეციალურად მისთვის ლეგენდარულმა მაქს ფაქტორმა შეიმუშავა. იგი სხვადასხვა ელფერის ფერუმარილებს ისვამდა ცხვირზე. სხვადასხვა ადგილებს ითეთრებდა და იმუქებდა, რაც ცხვირს ვიზუალურად თხელს აჩენდა.

გრეტა გარბო - თხელი ტუჩები
ამ ვარსკვლავს, ფაქტობრივად, სახის იდეალური პროპორციები ჰქონდა. როდესაც გრეტა ჰოლივუდში კინოსინჯებზე ჩავიდა, ყველა აღფრთოვანებული იყო მისი ჰარმონიული გარეგნობით. თუმცა, ანტიკური ქალღმერთების პარამეტრების მქონე დივას ერთი წუნი მაინც აღმოაჩნდა - გარბოს ძალიან პატარა პირი და თხელი ტუჩები ჰქონდა.

ამ ნაკლოვანების დასაფარად, ვარსკვლავმა შენიღბვის ხერხს არ მიმართა. ის არასოდეს იხატავდა ტუჩების კონტურს საკუთარი ანატომიური ხაზის მიღმა. გარბომ თავისი თხელი ტუჩები იმიჯის ნაწილი გახადა. მკვეთრ წითელ პომადას ისვამდა და კონტურს ზუსტად ტუჩის ხაზს აყოლებდა. შედეგად, მისი პერიოდის ქალებისთვის თხელი ტუჩები მოდური გახდა.

ოდრი ჰეპბერნი - კვადრატული სახე
გრაციოზული, ჰარმონიული, სათუთი... დღეს ყველა ასე მოიხსენიებს ოდრი ჰეპბერნს - თავისი დროის აღიარებულ ლამაზმანს. თუმცა, ცოტა ვინმემ თუ იცის, რომ ოდრის საკუთარი თავი ლამაზად არ მიაჩნდა და უკვირდა, როდესაც მისი გარეგნობით აღფრთოვანდებოდნენ. მან იცოდა, რომ გრძელი ცხვირი, ფეხის დიდი ზომა და ბრტყელი მკერდი აქვს... მაგრამ ყველაზე დიდ უსიამოვნებას მას სახის მოყვანილობა ანიჭებდა: ფართო, გამოკვეთილი ყვრიმალებით, რომელიც გადაღებისას გარკვეულ რაკურსს მოითხოვდა.

ის, რომ ამ სანუკვარი რაკურსის ძიებას არაერთი საათი სჭირდებოდა, ყველა მასთან მომუშავე რეჟისორისთვის ცნობილი იყო, როდესაც ჰეპბერნი პოპულარობის ზენიტში იმყოფებოდა და საკუთარი პირობების წაყენება შეეძლო. სახის ფორმის ვიზუალური კორექციისთვის ოდრი მაღალ ვარცხნილობებსა და თავსაბურავებს ატარებდა.

AMBEBI.GE-სთვის მოამზადა დუდანა ზაქარაიამ
20:28 / 22-03-2016
მაშიკო
0
მაკას ვეთანხმები.ოდრი გამორჩეულია მართლაც. ის რაღაცნაირ შინაგან სილამაზეს ასხივებს, რომელიც გარეგნულს ჩრდილავს.
გამოეხმაურე / 0 /
17:39 / 21-03-2016
ruska
0
ლიზ ტეილორი ჩემი საყვარელი მსახიობია, სილამაზისა და ქალურობოის ეტალონი. ალბათ მერილინთან ერთად მსოფლიოს ულამაზესი ქალი!!!
გამოეხმაურე / 0 /
მსგავსი სიახლეები
გოგონები, რომლებმაც დაუმტკიცეს მსოფლიოს, რომ ნამდვილად ლამაზები არიან
სილამაზის 8 საიდუმლო, რომელსაც ვარსკვლავების ექიმები ამხელენ
მკვებავის წასმა რეკომენდირებულია 25 წელს გადაცილებული ქალბატონებისთვის
მას შემდეგ რაც გრეის კელი პრინცესა გახდა, მის სუნამოდ "კრიდ ფლეურისიმო" იქცა
ელექსირი საუკეთესოა ჰიპერტონიის და გულ-სისხლძარღვთა დაავადებების დროს
ეს პაწაწინა მწვანე მარცვლები დაგეხმარებათ რაც შეიძლება დიდხანს შეინარჩუნოთ ჯანმრთელობა და სილამაზე
ეს კლეოპატრას ყველაზე საყვარელი და ცნობილი რეცეპტია
როგორ გამოიყურებიან ისინი, როცა ყველაზე ლამაზი ქალის ტიტულის მოსაპოვებლად ბრძოლა არ უწევთ!
+PHOTO პროექტი "სილამაზის ეთნიკური ფესვები" ასახავს მსოფლიოს საოცარ მრავალფეროვნებას
ამ კატეგორიის სხვა სიახლეები
კონცერტში სრულიად უსასყიდლოდ მონაწილეობას მიიღებენ: საქართველოს სახელმწიფო...
,,ვინილებიდან აიპოდამდე''-ს მომდევნო თამაშს ,,ზამთრის მუსიკალური მარათონი"...
12:18 / 22-01-2018  Image "რაღაც "ყარს" ქვეყანაში და ამაზე თვალის დახუჭვა კატასტროფის ტოლფასი იქნება" - გია ხუხაშვილი
"ინტერესჯგუფების სურვილი, დადგნენ კანონზე მაღლა და ხელისუფლებას უკარნახონ თამაშის წესები, ნათელია"
16:32 / 22-01-2018  Image დიდებიდან თავშესაფრამდე - ცნობილი ქართველები, რომლებიც კარიერის დასრულების შემდეგ მოხუცთა პანსიონატში მოხვდნენ
შვილის დაღუპვის შემდეგ თვითმკვლელობა ბევრჯერ სცადა, ალკოჰოლსაც მიეძალა...
17:28 / 22-01-2018  Image სარატოვში ძაღლმა მონადირე მოკლა
ექიმები მალევე მივიდნენ, თუმცა დაჭრილის გადარჩენა ვერ მოხერხდა
10:31 / 22-01-2018  Image 10 საინტერესო ფაქტი Amazon.com-ის შესახებ და ახალი შესაძლებლობები საქართველოს მოქალაქეებისთვის
ინტერნეტმაღაზია Amazon.com ელექტრონული კომერციის ერთ-ერთ საწყისად ითვლება. 
17:41 / 22-01-2018  Image რა მოვლენებია მოსალოდნელი 21 იანვრიდან 28 იანვრამდე - უახლოესი დღეების ასტროლოგიური ტენდენციები
"ღმერთების შიკრიკად წოდებული მერკური ამ კვირაში რამოდენიმე მნიშვნელოვან ასპექტს გააკეთებს"

პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49