მერაბ სეფაშვილი უმუშევარი დარჩა: "...ყოველი დღე არის უარესი და უარესი"

მერაბ სეფაშვილი უმუშევარი დარჩა: "...ყოველი დღე არის უარესი და უარესი"

მომღერალი მერაბ სეფაშვილი დიდი ხანია ფართო საზოგადოების წინაშე აღარ გამოჩენილა. როგორც მან "სარკესთან" ინტერვიუში აღნიშნა, ფაქტობრივად, უსამსახუროდაა დარჩენილი და მისი ძირითადი შემოსავლის წყარო უცხოეთში ჩატარებული კონცერტებია: "ჩვენი საქმით რთულია არსებობა. მომღერლის პროფესია დამოკიდებულია ქვეყნის ეკონომიკურ ვითარებაზე. ქვეყანაში კი დიდი უძრაობის ხანაა, ყოველი დღე არის უარესი და უარესი. მე - კარგი, მეტ-ნაკლებად ვმუშაობ საზღვარგარეთ, მაგრამ ახალგაზრდება რა უნდა ქნან? ჩემ ირგვლივ ყველა უმუშევარია. ჩვენი ქვეყნისთვის შოუბიზნესი პრიორიტეტული და საჭირო არ არის.

- ახლა სტაბილურად სად მღერით?

- აღარსად. ერთ-ერთ კლუბში ვმღეროდი, მაგრამ ვეღარ მუშაობს და მეც აღარ ვმღერი. გაიარეთ გარეთ, ნახეთ, რა სიტუაციაა, ყველგან წერია: "ლიკვიდაცია", "იყიდება", "გირავდება"...

- პოლიტიკაში წასვლას ხომ არ აპირებთ?

- ბევრჯერ შემომთავაზეს, მაგრამ ყოველ ჯერზე უარი ვთქვი. ეს არ არის ჩემი საქმე და არც არასდროს მაინტერესებდა.

- ამ მთავრობისგანაც მიიღეთ შემთავაზება?

- არა, ამ მთავრობაში მომღერლები არ სჭირდებათ. შემოთავაზება რომც მიმეღო, არც მათ დავთანხმდებოდი, რადგან, ვიმეორებ, პოლიტიკა ჩემი საქმე არ არის.

ლანა კიკნაძე

ჟურნალი "სარკე"

წაიკითხეთ: ზურა ყიფშიძის ოჯახი ფინანსურ კრიზისშია: "ზოგს შერცხვებოდა და არ იტყოდა..."