ბრიტანული როკჯგუფი Rolling Stones აშშ-ის პრეზიდენტობის კანდიდატს, დონალდ ტრამპს მოუწოდებს, შეწყვიტოს მისი მუსიკალური ჰიტების წინასაარჩევნო კამპანიის დროს გამოყენება. ამის შესახებ „ბიბისი“ წერს.
„Rolling Stones-ს არასოდეს მიუცია ტრამპისთვის ნებართვა გამოეყენებინა როკჯგუფის სიმღერები. ამიტომაც მოვითხოვთ, სასწრაფოდ შეწყდეს მათი გამოყენება“, - წერია ჯგუფის განცხადებაში.
აღნიშნულთან დაკავშირებით ტრამპის წარმომადგენლებს ჯერ კომენტარი არ გაუკეთებიათ.
აღსანიშნავია, რომ მილიარდერმა რესპუბლიკელმა წინასაარჩევნო კამპანიისთვის Rolling Stones-ის რამდენიმე ჰიტი გამოიყენა. ადრე ტრამპს ბრიტანელმა მომღერალმა, ელტონ ჯონმაც აუკრძალა მისი მუსიკის გამოყენება.