"მიყვარხართ ყველანი, მაგრამ იმ წამს დედაზე ვფიქრობდი..." - რა მიმართვას ავრცელებს ჯანო იზორია "ცეკვავენ ვარსკვლავების" დატოვების შემდეგ
"ცეკვავენ ვარსკვლავების" ნახევარფინალურ ტურში მაყურებელმა და ჟიურიმ სამი წყვილის ცეკვა იხილა. შოუში დარჩენილი სამი მსახიობი მამაკაციდან (ჯანო იზორია, ანდრია გველესიანი, სტანისლავ ბონდარენკო) ყველაზე ნაკლები ხმა ჯანო იზორიამ მიიღო და შესაბამისად, მეწყვილე კარინა ლისენკოსთან ერთად დატოვა პროექტი.
შოუს დატოვების შემდეგ მსახიობი "ფეისბუქის" პირად გვერდზე გამოეხმაურა ფაქტს:
"მიყვარხართ ყველანი, მაგრამ მაინც იმ წამს, იმ წუთს დედაზე ვფიქრობდი. დედააა!! როგორ ხარ? არაუშავს დე, შენ ისეთ დარტყმას გაუძელი ოლიმპიადაზე, ჩემი მონაგონია დეე. შენ ბედნიერი ხარ იცოდე, შენი ნიკოლოზი ოლიმპიელი გყავს, მეც რაღაცას ვცდილობ... იამაყე ჩვენით და იყავი ბედნიერი მამასთან ერთად", - წერს ჯანო იზორია შოუდან გავარდნის შემდეგ.
მან ვიდეომიმართვაც ჩაწერა გულშემატკივრებისთვის, რომელშიც მათ მადლობას უხდის და ამბობს, რომ უხერხულობას გრძნობს:
"ჩემები ძალიან ეცადნენ და რაღაც ისეთი შეგრძნება მაქვს, რომ მე დავაკელი... ამიტომ ცოტა სირცხვილის გრძნობაც მაქვს... როცა ადამიანი იმეტებს შენთვის, ლარს-ორ ლარს და ხდება ასე... მაგრამ არაუშავს. აქ მოხვედრა ჩემი ოცნება იყო, მაგრამ როცა ისე განვითარდა სიტუაცია, რომ უფრო ახლოს ხარ მიზანთან... მოკლედ, ბევრი რომ არ გავახურო, მე ძალიან მჭირდებოდა ეს ყველაფერი. თუ რატომ მჭირდებოდა, ვინც მიცნობს ეს კარგად იცის და იმიტომაც მედგნენ გვერდით. დიდი მადლობა. და კიდევ, გოგი დოლიძის "ქართველების ერთად ყოფნას" მოვუსმენ ახლა სახლში, მაგარი გენიალური კაცის", - ამბობს ვიდეომიმართვაში მსახიობი.
წაიკითხეთ:
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
