"თუ მოხერხდა, ხვალ ჩავრიცხავთ თანხას" - რას პასუხობს ელენე თარგამაძე ნანუკა ჟორჟოლიანის ბრალდებას

სტანისლავ ბონდარენკოს გაეშემო ვნებათაღელვა არ წყდება, უკრაინელი მსახიობი საქართველოს პირველად 10 მარტს ეწვია და მიხეილ სხვიტარიძის დასახმარებლად თუმანიშვილის თეატრში, სპექტაკლში "მე, ბებია, ილიკო და ილარიონი" ზურიკელას როლი ითამაშა. ბონდარენკომ ქართველი ახალგაზრდის დასახმარებლად სულ სამი სპექტაკლი ითამაშა. საქართველოში ქველმოქმედების მიზნით ჩამოსული ბონდარენკო პროექტში "ცეკვავენ ვარსკვლავები" აღმოჩნდა, რომელიც გუშინ მოიგო.

ნანუკა ჟორჟოლიანმა სოციალურ ქსელში დაწერა, რომ ბონდარენკოს მონაწილეობით გამართული საქველმოქმედო სპექტაკლებიდან შემოსული თანხა მიხეილ სხვიტარიძის ოჯახს არ მიუღია. ჩვენ ღონისძიების ორგანიზატორს ელენე თარგამაძეს დავუკავშირდით:

- მიხეილ სხვიტარიძის ოჯახს ჩვენ დავეხმარეთ, შესაბამისად გავრცელებული ინფორმაცია არასწორია.

- რა თანხა შეგროვდა სპექტაკლებიდან, ანუ ტყუილია გავრცელებული ინფორმაცია?

- ბონდარენკომ მიხეილ სხვიტარიძის დასახმარებლად სამ სპექტაკლში ითამაშა და სამივე სპექტაკლიდან 16 000 ლარი შემოვიდა. ეს 16 000 ლარი, მიხეილ სხვიტარიძის დედასთან შეთანხმებით, მერიისა და ჯანდაცვის სამინისტროს მიერ გამოყოფილ თანხასთან ერთად, უნდა დაირიცხულიყო იმ კლინიკის ანგარიშზე, სადაც მიხეილს გაუკეთებენ ოპერაციას. ოჯახი გააკეთებს მოგვიანებით ამაზე კომენტარს და თუ მოხერხდა, ხვალ ჩავრიცხავთ თანხას. მიხეილის ოჯახს გადავეცით ჩვენი მეგობრების მიერ სხვადასხვა ღონისძიებებიდან შეგროვებული თანხა და კიდევ ის თანხა, რომელიც ერთ-ერთმა ბიზნესმენმა ქალბატონმა მოგვცა. სპეციალურ ანგარიშზეც ერიცხებოდა ოჯახს თანხა და ზუსტი ოდენობა არ ვიცით.

თამარ ბოჭორიშვილი

AMBEBI.GE

იხილეთ ასევე: "ბონდარენკო რომელი ქველმოქმედებისთვისაც ჩამოიყვანეს, იმ ბავშვისთვის ამ დრომდე არანაირი დახმარება არ გაუწევიათ" - ნანუკა ჟორჟოლიანი