კვირის ყველაზე კითხვადი სტატიები
თვის ყველაზე კითხვადი სტატიები
შრიფტი
15:55 / 20-04-2017
წიგნებისა და ყვავილების ”კატალონიურად” ჩუქების დღე საქართველოში
ბედნიერება, რომელიც დეტალებშია. ბედნიერება, რომელიც სურნელოვან ყვავილებშია. ბედნიერება, რომელიც წიგნებშია და მთავარი ბედნიერება, რომელიც ამ ყველაფრის გაზიარებაშია.

დღე, რომელიც ყველა აღნიშნულ ემოციას აერთიანებს, კატალონიაში იღებს სათავეს. ძველისძველი კატალონიური ტრადიციის თანახმად, 23 აპრილს ერის მფარველი წმინდანის წმინდა გიორგის სახელობის დღეს ბარსელონელები და ქალაქის ირგვლივ მცხოვრებნი ერთმანეთს ყვავილებს ჩუქნიდნენ. ცხადია, იმ დღეს მებაღეებს უამრავი მუშტარი ჰყავდათ. წიგნით მოვაჭრეთა გილდიას კი ეს ფაქტი ძალიან მოეწონა და 1923 წლის 23 აპრილს წმინდა გიორგისა და ვარდების სახალხო დღესასწაულზე მათ კატალონიაში მცხოვრებლებს ყვავილებთან ერთად წიგნებიც აჩუქეს. 1616 წლის 23 აპრილი მიგელ დე სერვანტესის გარდაცვალების დღეა და გილდიამ ინიციატივა სწორედ ამ მიზეზით დაასაბუთა.

1995 წელს კატალონიამ იუნესკოს ადგილობრივი დღესასწაულის შესახებ მოახსენა, მის ინიციატივას გამომცემელთა საერთაშორისო ასოციაციაც შეუერთდა და გენერალური კონფერენციის გადაწყვეტილებით, 23 აპრილი მსოფლიო წიგნის დღედ გამოცხადდა.

1923 წლის შემდეგ ყოველწლიურად 23 აპრილს მსოფლიოს სხვადასხვა ქვეყანაში წიგნებისა და ავტორებისადმი პატივისცემას გამოხატავენ.
აღნიშნულ ტრადიციას საქართველოც უერთდება. უკვე რამდენიმე წელიწადია 23 აპრილს „ბიბლუსიც“ ირთვება ყვავილებით, აქაც იგრძნობა წიგნის და ყვავილების საერთო საზეიმო განწყობა.

წელსაც, ამ დღეს, წიგნის მაღაზიათა ქსელი ”ბიბლუსი”, ესპანური ენისა და კულტურის ცენტრ ”კარმენთან” პარტნიორობით უამრავ სიურპრიზს პირდება წიგნის მოყვარულებს. ზოგადად, ”კარმენი” საზოგადოებას ენის შემსწავლელი კურსების პარალელურად, სთავაზობს ბევრ კულტურულ ღონისძიებას, რომლებიც ესპანური ტრადიციებისა და კულტურის საქართველოში პოპულარიზაციას ემსახურება.

”23 აპრილს ბარსელონაში ნამდვილი ზეიმია. ძალიან მნიშვნელოვანია, რომ ეს დღესასწაული ბიბლუსშიც გაიმართება. დარწმუნებული ვარ, ის წიგნის მეტ პოპულარიზაციას ისევე, როგორც გაყიდვების ზრდას შეუწყობს ხელს. ამ დღის მთავარი ხიბლი კი ისაა, რომ ყველაფერი სახალისო ფორმით ტარდება. მოსული სტუმრები ფასდაკლებულ წიგნებსაც აღმოაჩენენ. ჩვენი და ”ბიბლუსის” მოლოდნით, 23 აპრილი უნდა იყოს ძალიან მხიარული და დადებითი დღე, ისეთი, როგორიც წიგნის დღეს შეეფერება,” - აღნიშნავს ესპანური ენისა და კულტურის ცენტრ ”კარმენის” საზოგადოებასთან ურთიერთობის მენეჯერი ნათია იმერლიშვილი.

“23 აპრილი წიგნის დღესასწაულია და შესაბამისად ბიბლუსის დღესასწაულიცაა. წელს ,,ბიბლუსი გალერეა“ სტუმრებს პირდება ესპანურ ფიესტას: ესპანური პოეზია, ცეცხლოვანი ფლამენკო და ვოკალი, განწყობისათვის კი ცოტაოდენი სანგრია. ყველაფერი იმისათვის, რომ წიგნის დღე "კატალონიურად’’ გავატაროთ. ეს დღე ხომ სწორედ ამ ადგილიდან იღებს სათავეს", – აღნიშნავს ბიბლუსის მარკეტინგის სამსახურის ხელმძღვანელი მარიამ წამალაშვილი.

წიგნების მაღაზიათა ქსელი ”ბიბლუსი” განსაკუთრებით ეცდება, რომ ამ დღეს წიგნი ყველასთვის ხელმისაწვდომი იყოს, შესაბამისად 23 აპრილს ნებისმიერ მომხმარებელს "ბიბლუსის" მაღაზიათა ქსელში ელოდება 30%-იან ფასდაკლება ტოპ 100 წიგნზე.

”ბიბლუსის” წიგნის დღესთან დაკავშირებული ღონიძიებებები მხოლოდ ფასდაკლებით არ შემოიფარგლება. 13:00 საათიდან ”ბიბლუსი გალერეაში” BOUQUET-ის ყვავილების გვირგვინების გამოფენა-გაყიდვა გაიმართება.

15:00 საათზე მოხდება ანიმაციური ფილმის DONKEY XOTE-ს ჩვენება. ეს არის
მულტფილმი მიგელ დე სერვანტესის ცნობილი დონ კიხოტის თავგადასავალზე, რომელიც მოყოლილია მისი და სანჩო პანსას ცხენის და ვირის სახისგან.

18:00 საათზე კი, ასევე, ”ბიბლუსი გალერეაში” მოეწყობა ესპანური პოეზიის და მუსიკის საღამო ფლამენკოს ელემენტებით. დამსწრე საზოგადოების წინაშე წარდგებიან
You must have Flash Player installed in order to see this player.
ნინო ჭინჭარაული, ხერარდო მარტინესი და მარიო რიანო.



ამ დღეს უკვე განსაკუთრებულად ელოდება ქართული საზოგადოებაც. გამოხმაურება უკვე საკმაოდ დიდია. ”ძალიან ლამაზი დღეა კატალონიაში. ყველგან წიგნები და ყვავილები იყიდება. ბიჭები გოგოებს ვარდებს ჩუქნიან, ბიჭებს კი - წიგნებს. მთელი ქალაქი დახლებით არის სავსე. მოკლედ, მართლა მაგარი დღეა. კარგი იქნება. ჩვენთანაც თუ დაინერგება ეს ყველაფერი,” - წიგნების ერთ-ერთი გულშემატკივარი წერს სოციალურ ქსელში.
მკითხველის კომენტარები / 0 /
კომენტარი ჯერ არ გაკეთებულა.
ამ კატეგორიის სხვა სიახლეები
20:00 / 22-06-2017  Image პრემიერ-მინისტრის საგანგებო განცხადება საკონსტიტუციო ცვლილებებთან დაკავშირებით
+VIDEO "სხვადასხვა ნორმის კონსტიტუციაში შეტანის საკითხი კი ხმათა უმრავლესობით წყდებოდა"
21:48 / 22-06-2017  Image "ამბობს, რომ არ იცის, რით ვარ დაკავებული, მაგრამ ნურას უკაცრავად!..." - მიხეილ სააკაშვილი პოროშენკოს პასუხობს
"პირადად ეწევა ჩვენს ბლოკირებას ყველა მთავარ არხზე"
13:02 / 22-06-2017  Image სექსუალური სამხედრო გოგონები ისრაელის ჯარიდან
+PHOTO ყოველწლიურად ისრაელში 1 500 ჯარისკაცი ქალი ირიცხება თავდაცვით ნაწილში
16:21 / 22-06-2017  Image უმრავლესობის ტაში და ოპოზიციის ბოიკოტი - პარლამენტმა კონსტიტუციაში დაგეგმილი ცვლილების პროექტი პირველი მოსმენით მიიღო
უმრავლესობა კენჭისყრის შედეგს ტაშით შეხვდა
17:42 / 22-06-2017  Image "24-ში - ახალმთვარეობაა კირჩხიბის ნიშანში" - რა რეკომენდაციებს გვაძლევს ასტროლოგი
"საერთოდ ახალმთვარეობის პერიოდი რთულია, მით უფრო ქალებისთვის"
პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49