ქართველი "კონჩიტა" "X ფაქტორში": "ლელა წურწუმიას არ დაურიგებია იმდენი ავტოგრაფი, რამდენიც მე დავარიგე ფილარმონიაში"

ქართველი "კონჩიტა" "X ფაქტორში": "ლელა წურწუმიას არ დაურიგებია იმდენი ავტოგრაფი, რამდენიც მე დავარიგე ფილარმონიაში"

30 წლის პაკო ტაბატაძემ ფილარმონიის სცენაზე, "X ფაქტორის" ჟიურის მოხიბვლა კონჩიტას იმიჯით სცადა და გამოუვიდა კიდეც - ის შემდეგ ტურში გადაიყვანეს, თუმცა ქართველი კონჩიტას შოუში გამოჩენას საზოგადოების ნაწილის აღშფოთება მოჰყვა. ვეცადეთ, მუსიკალური შოუს კონკურსანტი უფრო ახლოს გაგვეცნო მკითხველისთვის...

- პაკო, თქვენს შესახებ გვიამბეთ...

- 30 წლის ვარ, თავიდანვე არაორდინალური და განსხვავებული ადამიანი ვიყავი. მუდმივად ვცდილობდი სტერეოტიპების დანგრევას, საქართველო არ მიმაჩნია ისეთ ქვეყნად, სადაც ტრადიციებს ვერ დაარღვევ. ვისაც ჩემი ორიენტაცია აინტერესებს, მათ ვეტყვი რომ ჩვეულებრივი ადამიანი ვარ.

- ხალხს აინტერესებს, გიზიდავს თუ არა მამაკაცები?

- მე ყოველთვის ვამბობ, რომ ჩემი პირადის სააშკარაოზე გამოტანა არ ღირს. გოგო მომწონს თუ ბიჭი, ეს ჩემი ინტიმია. წლების წინ, "ჯეობარში" პიარისთვის ვთქვი, რომ არატრადიციული ორიენტაციის მქონე ადამიანი ვარ.

- ოჯახი როგორ შეხვდა, წლების წინ თქვენს მიერ გაკეთებულ ამ განცხადებას?

- ჩვეულებრივი იყო ეს მათთვის. სანამ ბარში შევიდოდი, ოჯახის წევრებს ვუთხარი, რომ პიარი მჭირდებოდა, ამიტომ მათთვის მოულოდნელი არ ყოფილა ეს განცხადება. მე ჩვეულებრივ თბილისურ ოჯახში გავიზარდე, სადაც არაფერი უკვირთ.

- რას საქმიანობდით "იქს ფაქტორამდე"?

- სტაჟიანი მიმტანი ვარ, სხვადასხვა პრესტიჟულ რესტორნებში ვმუშაობდი მიმტანად. შემდეგ თურქეთში წავედი და ანიმატორად დავიწყე მუშაობა. ახლა საქართველოში ვარ და სტილისტად ვმუშაობ. სანამ "იქს ფაქტორში" მოვხვდებოდი, "ნიჭიერში" ვცადე ბედი, სადაც ქუსლებით გავედი სცენაზე, მაშინ ნიკა გვარამიამ მითხრა, კონჩიტას გავხარო და იმის მერე დამარტყა თავში კონჩიტას იმიჯის მორგებამ.

6 თვე ერთ-ერთ ბარში ვმუშაობდი კარაოკეს წამყვანად. ვცადე სიმღერაში მეცადა ბედი, მოვირგე კონჩიტას იმიჯი და მოვედი ფილარმონიაში. ისეთი აღფრთოვანება გამოვიწვიე ხალხში, მთელი დარბაზი ფეხზე მედგა. იმ დღეს დივას, ლელა წურწუმიასაც არ დაურიგებია იმდენი ავტოგრაფი, რამდენიც დავარიგე ფილარმონიაში. გიორგი გაბუნიამ კრიტიკულად, მაგრამ ობიექტურად შემაფასა. ობიექტურად შემაფასეს ლელა წურწუმიამ და სტეფანემ. რაც შეეხება სოფო ნიჟარაძეს, მასზე ნაწყენი ვარ. ვერ გავიგე, მას კუნთიანი ბიჭების ბოდიბილდინგი აქვს მოწყობილი თუ სიმღერის კონკურსი? გაციებული ვიყავი და უიტნი ჰიუსტონის სიმღერა მომცა შესასრულებლად.

- შენს გამოსვლას სოციალურ ქსელში აღშფოთება მოჰყვა...

- ვნახე ის შეფასებები, ვნახე როგორ გამლანძღეს. ვინც უშვერი სიტყვებით მლანძღა და უბედურებები მეძახა, თავად არიან ლატენტური გეები და ამიტომ ლანძღავენ უმცირესობებს. რომ წერდნენ კონჩიტების საქართველო, სააკაშვილთან ერთად დასრულდაო, რა შუაშია ჩემთან სააკაშვილი? მე მის გვერდით კონჩიტებიც არ მინახავს. იმის მერე, რაც "იქს ფაქტორი" გავიდა ეთერში, პირველად გუშინ ვიყავი რესტორანში და "კარალევასავით", ხელიდან ხელში გადავყავდი მამაკაცებს, ისეთი ოვაციებით შემხვდნენ.

- ჩვენთვის ცნობილია, რომ შერონ სთოუნს საქართველოში გემრიელი კერძებით თქვენ გაუმასპინძლდით...

- კი, როცა საქართველოში იყო ჩამოსული მსახიობი შერონ სთოუნი, მე ვემსახურებოდი პირადად. ძალიან დახვეწილი და უშუალო მანდილოსანია. კონტაქტური ადამიანია. ხშირად ვუცვლიდი თეფშს სუფრაზე, თვითონ მითხრა, მეც ჩვეულებრივი ადამიანი ვარ, ასე განსაკუთრებულ მოპყრობას არ ვსაჭიროებო. არანაირი განსაკუთრებული მოთხოვნები არ ჰქონია. მოკრძალებული ადამიანია.

- ჩემთვის ცნობილია, რომ პირობით სასჯელს იხდით, რა მოხდა?

- ნამდვილად ასეა, ამიტომაც ვარ ახლა საქართველოში. მეგობრებთან ერთად კლუბიდან გამოვედი, ტელეფონმა დამირეკა, ხმამაღლა ვუპასუხე, რა დროსაც მოვიდა პოლიცია და დამაკავეს, საზოგადოებრივი წესრიგის დარღვევისთვის. პატრულის მანქანაში როცა ჩამსვეს, წინააღმდეგობა გავუწიე და დავაზიანე მანქანა, სწორედ ამიტომ წამიყენეს ბრალი და პირობითი სასჯელი მაქვს. აგვისტოში გადის 6 თვე, შეწყალებას დავწერ და საქართველოს დავტოვებ.

- ისევ თურქეთში წახვალთ?

- არა, მინდა შვედეთში წავიდე, იქ ავიწყობ ცხოვრებას და კარიერასაც. ოჯახსაც შევქმნი, უცხოელ ქალზე ვიქორწინებ, რადგან კომპელქსიან ქართველ ქალთან ვერ ვიცხოვრებ. ძალიან კომპლექსიანები არიან ქართველი ქალები და დავიღალე ამ კომპლექსებით. სექსი და კამასუტრის პოზები ჩემთვის არის ხელოვნება, ქართველი ქალები კი მამა-პაპურ პოზებს ითხოვენ ლოგინში და მე დამაწექი, დაგაწექი არ შემიძლია.

თამარ ბოჭორიშვილი

AMBEBI.GE

სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე

"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე

„თბილისური ჩუქურთმა“ - იმპრესიონისტი მხატვრის გამოფენა, რომელიც თბილისობას ეძღვნება