სად არიან და რას საქმიანობენ 2000-იანი წლების ქართული ესტრადის ვარსკვლავები

სად არიან და რას საქმიანობენ 2000-იანი წლების ქართული ესტრადის ვარსკვლავები

წარმოგიდგენთ 2000-იანი წლების ქართული ესტრადის ვარსკვლავებს, რომელთა სიმღერები ერთ დროს დიდი პოპულარობით სარგებლობდა. მათ მიერ შესრულებული ჰიტები იმ დროს თითქმის ყველა ახალგაზრდამ ზეპირად იცოდა...

თამთა გოგუაძე

მისი სიმღერის პოპულარობის ფენომენს საქართველოში ვერავინ ვერ ხსნიდა, მაგრამ ფაქტი იყო, რომ ის მუსიკალური ჩარტების უპირობო ლიდერი გახლდათ. სიმღერამ "შენი ბრალია" თამთა გოგუაძეს არნახული პოპულარობა მოუტანა. მან "შენი ბრალია" მეუღლესთან, ასევე მომღერალ აჩიკო ცანკაშვილთან ერთად ჩაწერა. თამთა გოგუაძის წარმატებაში დიდ როლს მამამისი თამაშობდა, რომელიც ქალიშვილს ყოველთვის გვერდით ედგა. ოჯახის დანგრევის შემდეგ, თამთა გოგუაძე ანსამბლ "სამაიასთან" ერთად მოგზაურობდა მსოფლიოს გარშემო და კონცერტებს ატარებდა. შემდეგ ისევ გათხოვდა, მისი ქმარი გიორგი აბულაშვილია, რომელიც სწორედ "სამაიაში" გაიცნო.

აგნესა

აგნესა ერთ-ერთი თამამი მომღერალი იყო, რომელიც საზოგადოებამ მაშინდელი ქართული რეალობისთვის უჩვეულო მუსიკალური კლიპით და სიმღერით გაიცნო. სამარადან ჩამოსულმა, მდიდარი ოჯახის შვილმა საზოგადოების ყურადღება მალე მიიპყრო. შემდეგ ლექს-სენთან ჩაწერა დუეტი და ზუსტად მაშინ როცა პოპულარობის ზენიტში იყო გათხოვდა. ოჯახი მალე დაენგრა, მას შემდეგ სცენაზე აღარ გამოჩენილა. აგნესა ახლა რუსეთში, ქალაქ სამარაში მამასთან ერთად ცხოვრობს.

კახა კუხიანიძე

მომღერალი კახა კუხიანიძე წლების წინ აქტიურად იყო ჩართული შოუ-ბიზნესში. მართალია მას  სევდიანი სიმღერების გამო აკრიტიკებდნენ, მაგრამ წარმატებული კარიერა ჰქონდა. დროსთან ერთად მისმა პოპულარობამ იკლო. თუმცა რა არის ამის მიზეზი, არავინ იცის. ბოლო დროს კახა კუხიანიძე ისევ გააქტიურდა და ახალი კლიპიც გადაიღო.

გიგა კვენეტაძე

მომღერალ გიგა კვენეტაძეს "მტირალა მომღერალს" უწოდებდნენ. ქუთაისელმა ახალაზრდამ ეს სტატუსი სევდიანი სიმღერების გამო დაიმსახურა. პოპულარობას მალე მიაღწია და წლების წინ მოსკოვში გადავიდა საცხოვრებლად. მას მოსკოვში საკმაოდ წარმატებული კარიერა აქვს, ის არაერთ ცნობილ რუს მომღერალთან თანამშრომლობს. წლების წინ ის დაქორწინდა და შვილიც ჰყავს.

ბუკა მანაგაძე

მომღერალი ბუკა მანაგაძე პოპულარული პირველივე გამოჩენისთანავე გახდა. არქიტექტორისა და კომპოზიტორის ზურა მანაგაძის ქალიშვილი, პირველი ქართველი მომღერალი იყო, რომელმაც საკუთარი სექსუალური ფორმებითა და სიმღერით მიიქცია მსმენელის ყურადღება. ბუკა ძალიან პოპულარული მომღერალი იყო, საკუთარი საქმე თავადაც უყვარდა, მაგრამ როცა მის ცხოვრებაში სიყვარული მოვიდა, სიმღერაზე უარი თქვა. ის ზუკა კანდელაკზე დაქორწინდა და ახლა მთელ დროს ოჯახს უთმობს.

ჯაბა ქარსელაძე

ჯაბა ქარსელაძე წლების წინ, ძალიან პოპულარული ქართველი მომღერალი გახლდათ. თუმცა სიმღერას სწავლა არჩია, ჯერ საქართველოში მიიღო განათლება... ალასაიას უნივერსიტეტში ახალგაზრდა ასაკში გახდა ლექტორი, თუმცა ამას არ დასჯერდა და სასწავლებლად საფრანგეთში გაემგზავრა... ჯაბა წარმატებული სტუდენტი გამოდგა და ევროპაში ის, ფინანსების კუთხით არაერთ პროექტზე მუშაობდა. როგორც ჩანს სიმღერის ადგილი მის ცხოვრებაში საერთოდ აღარ არის.

თამარ ბოჭორიშვილი

Ambebi.ge

ცნობილი წყვილების "პანდემიური" ქორწილები - ვინ დაოჯახდა საქართველოში 2020 წელს

ჩცდ-ის ბაქარის ულამაზესი ქორწილი პანდემიის დროს - ბუბა მირცხულავასა და მისი რჩეულის ქორწინების შთამბეჭდავი ფოტოები

"რამდენიმე დღე კლინიკაში იწვა...გული აწუხებდა" - რა გახდა გოგი ქავთარაძის გარდაცვალების მიზეზი