ხატია ბუნიათიშვილი ორლანდო ბლუმს ხვდება?

მომღერალ კეტი პერისთან დაშორების შემდეგ მსახიობი ორლანდო ბლუმი მარტოობით არ იკლავს თავს. ჰოლივუდის ვარსკვლავი ყოველ თვე ახალ თანამგზავრ ქალბატონთან ერთად ჩნდება საზოგადოებაში. ამჯერად, პაპარაცებმა მსახიობი პარიზში შენიშნეს, არც მეტი - არც ნაკლები, ქართველ პიანისტ ხატია ბუნიათიშვილთან ერთად.

ფოტოების მიხედვით, წყვილს საკმაოდ თბილი ურთიერთობა აქვს: ისინი ხელჩაკიდებული დადიოდნენ, ამასთან, ხატია პერიოდულად ეფერებოდა ბლუმს და ეხუტებოდა. მას შემდეგ, რაც პაპარაცები შენიშნეს, წყვილმა მალევე გააჩერა ტაქსი და უცნობი მიმართულებით გაემგზავრა.

ორლანდო ბლუმი, რომელსაც სუპერ პოპულარობა "კარიბის ზღვის მეკობრეებმა" მოუტანა, დაქორწინებული იყო "ვიქტორია სექრეთის" ულამაზეს მოდელ მირანდა კერიზე, რომელთანაც პატარა ვაჟი ჰყავს.

Famous Georgian pianist Khatia Buniatishvili captured with Orlando Bloom in Paris

მომზადებულია ok-magazine.ru-ს მიხედვით