"მითხრა, წყალი მომიტანეო, გავედი და როცა ოთახში დავბრუნდი, უკვე ცუდად იყო" - ჯანსუღ ჩარკვიანი უმძიმეს მდგომარეობაში რეანიმაციაშია
პოეტი ჯანსუღ ჩარკვიანი მძიმე მდგომარეობაში საავადმყოფოში იმყოფება. როგორც AMBEBI.GE-ს მისმა ქალიშვილმა, თაკო ჩარკვიანმა განუცხადა, ის რეანიმაციულ განყოფილებაშია.
- მამა კლინიკაში 9 დღის წინ მოვათავსეთ და ის არამიანცის საავადმყოფოს რეანიმაციულ განყოფილებაშია. მოულოდნელად გახდა ცუდად და ინსულტით მოათავსეს საავადმყოფოში. ძალიან მძიმედ არის.
- მოულოდნელად გახდა ცუდად?
- სულ ვაკონტროლებდით მის ჯანმრთელობის მდგომარეობას. არ ვამბობ, რომ ეს არ მოხდებოდა, მაგრამ კიდევ ერთი ვაჟკაცი ქართველი მოკლეს. ერთ-ერთ გადაცემაში მამას ჰკითხეს, იყო თუ არა რუსეთი ოკუპანტი, რაზეც მან უპასუხა რომ რუსეთი ოკუპანტია და საქართველოს ოკუპაცია მას 2008 წელს არ დაუწყია. ამის შემდეგ ერთ-ერთ გაზეთში დაიწერა ძალიან ცუდი პასკვილი მამაზე. როცა ეს პასკვილი წაიკითხა, მითხრა, წყალი მომიტანეო, გავედი და როცა ოთახში დავბრუნდი უკვე ცუდად იყო.
- რას ამბობენ ექიმები?
- მძიმე ინსულტი აქვს, მძიმეა მისი მდგომარეობა. ფილტვის პნევმონიაც აქვს. ექიმები ყველაფერს აკეთებენ მისი მდგომარეობიდან გამოსაყვანად. მთელი საქართველო გვირეკავს, სიყვარულიც ეს ყოფილა, გაოცებულები ვართ.
თამარ ბოჭორიშვილი
"ჯარისქალი კონკურსანტი" - გაიცანით, "დიდი სცენის" მონაწილე გოგონა, რომელიც ისრაელის ჯარში მსახურობდა
ნინო სურგულაძემ საყვარელი მამაკაცი გამოაჩინა - წყვილი ტყუპს ელოდება
