რას წერს ბიორკი "ფეისბუქზე" საქართველოში დაგეგმილ კონცერტებთან დაკავშირებით
ისლანდიელი მუსიკოსი ბიორკი საქართველოში დაგეგმილი ორი კონცერტის შესახებ ინფორმაციას სოციალურ ქსელში ავრცელებს.
live at last in gorgeous georgia - two shows! - წერს Bjork-ი, სოციალურ ქსელ Facebook-ის ოფიციალურ გვერდზე და ასევე აქვეყნებს ინფორმაციას საკონცერტო სივრცეებსა და თარიღების შესახებ.
საქართველოს ტურიზმის ეროვნული ადმინისტრაციის ინფორმაციით, ლეგენდარული მუსიკოსი საქართველოში თანამედროვე მუსიკისა და ვიზუალური ხელოვნების ფესტივალ SOU-ის დამოუკიდებელი პროექტის ფარგლებში ჩამოდის. Bjork თბილისში, საქართველოს ეროვნული სიმფონიური ორკესტრის სიმების თანხლებით ორ კონცერტს გამართავს - 31 ოქტომბერს თბილისის დიდ საკონცერტო დარბაზში და 3 ნოემბერს ზაქარია ფალიაშვილის სახელობის თბილისის ოპერისა და ბალეტის სახელმწიფო თეატრის სცენაზე. კონცერტზე დასასწრები ბილეთების შეძენა შესაძლებელია ონლაინ გვერდის TKT.ge-ის დახმარებით ან საკონცერტო სივრცეების სალაროებში.
ბიორკის კონცერტებსა და გასაყიდი ბილეთების შესახებ დეტალური ინფორმაციის ნახვა ფესტივალ SOU-ს ოფიციალურ Facebook-გვერდზე არის შესაძლებელი.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
