"კავეა გალერია თბილისი" 30 ნოემბრიდან "გალერია თბილისში"

30 ნოემბრიდან "გალერია თბილისში" ახალი, თანამედროვე სტანდარტების შესაბამისი კინოთეატრი "კავეა გალერია თბილისი" გაიხსნება. 4K გამოსახულება, სუპერ კომფორტული სავარძლები და Dolby Atmos აუდიოსისტემა - ეს იმ სიახლეების ძირითადი ჩამონათვალია, რითიც ახალი კინოთეატრი გამორჩეული და განსხვავებული იქნება საქართველოში აქამდე არსებული სხვა კინოთეატრებისგან.

"Dolby" ახალ, მძლავრ აუდიო ტექნოლოგიებს გვთავაზობს. "Dolby Atmos " - ასე ქვია აუდიო სისტემას, რომელიც შთამბეჭდავ თეატრალურ ხმას, RPX ფორმატში უზრუნველყოფს. კინორეჟისორებს კი საოცარ შესაძლებლობას აძლევს, გადმოსცენ თავისი ისტორიები ყველაზე ამაღელვებლად. Dolby Atmos-ით კინოთეატრის დარბაზები მთლიანად ივსება საოცარად მკაფიო, რეალური და სუფთა ხმით, რომელიც 360 გრადუსიან ჟღერადობას იძლევა და მთელს დარბაზში თანაბრად მიედინება. "Dolby Atmos " მაყურებელი პირდაპირ ფილმში გადაჰყავს, რაც დაუვიწყარ ემოციას ტოვებს კინოთეატრის სტუმრებზე.

Dolby Atmos-ის ხმის ტექნოლოგია პირველად 2012 წელს, დისნეიმ და პიქსარმა გამოიყენეს ანიმაციურ ფილმში - Brave. 2018 წელს კი, ამ სისტემას ისეთ ფილმებში შევხვდებით, როგორებიც არის - X-Men: The New Mutants, Deadpool 2 და სხვა. ასე რომ, მოემზადეთ, ნოემბრის ბოლოს Dolby Atmos-ით აღჭურვილი "კავეა გალერია თბილისი" გაიხსნება.