"საქართველოს ბანკის" სტამბოლის წარმომადგენლობითმა ოფისმა და თურქულმა "აქტივ ბანკმა" ერთობლივი მომსახურების შესახებ შეთანხმებას ხელი მოაწერეს
"საქართველოს ბანკის" სტამბოლის წარმომადგენლობითმა ოფისმა და თურქულმა "აქტივ ბანკმა" ერთობლივი მომსახურების შესახებ შეთანხმებას ხელი მოაწერეს.
ერთობლივი მომსახურება გულისხმობს "საქართველოს ბანკის" მომხმარებლისთვის ფულადი გზავნილებისა და სხვა მომსახურების შეთავაზებას. შეთანხმებას ხელი მოეწერა "საქართველოს ბანკის" სტამბოლის წარმომადგენლობითი ოფისის ოფიციალური გახსნის ცერემონიის დროს. "საქართველოს ბანკის" სტამბოლის წარმომადგენლობითი ოფისი იმუშავებს საქართველოსა და თურქეთს შორის ინვესტიციებისა და ვაჭრობის მიმოქცევით წარმოშობილ ბიზნეს-შესაძლებლობებზე, ასევე თურქეთის ფინანსურ ინსტიტუტებთან და ბიზნეს წრეებთან ურთიერთობის გაღრმავებაზე.
"მოხარული ვარ, რომ სტამბოლში წარმომადგენლობითი ოფისის გახსნასთან ერთად, ჩვენ ვიწყებთ თანამშრომლობას "აქტივ ბანკთან", რათა ვიმუშაოთ იმ ბიზნეს-შესაძლებლობებზე, რომელიც წარმოიშვება საქართველოსა და თურქეთს შორის არსებული ძლიერი ეკონომიკური პარტნიორობით. დარწმუნებული ვარ, რომ "აქტივ ბანკს", თურქეთის ერთ-ერთ ყველაზე ანტრეპრენიორულ ბანკსა და "საქართველოს ბანკს" შორის შედგება წარმატებული პარტნიორობა, ამ რეგიონში ჩვენი ახალი ბიზნეს მისწრაფებების განსახორციელებლად",- განაცხადა "საქართველოს ბანკის" გენერალურმა დირექტორმა ირაკლი გილაურმა.
სტამბოლის ოფისი, "საქართველოს ბანკის" რიგით მეოთხე უცხოური წარმომადგენლობაა თელ-ავივის, ლონდონისა და ბუდაპეშტის შემდეგ.
რა? სად? რა ფასად?
გაიგეთ ”რადიო მარკეტში”
ყოველ სამუშაო დღეს 10:50 და 11:50 საათზე
რადიო ”პალიტრის” ეთერში - FM 103.9
საკონდიტრო კომპანია "აზატოს" ქსელი გაფართოვდა
სვანეთში ახალი პრემიუმ კლასის სასტუმრო გაიხსნება