რამდენიმე კვირის წინ ხმა გავრცელდა, რომ ''პირველი არხიდან'' გამოშვებული ეკა კვესიტაძე ''რუსთავი 2''-ზე იწყებდა მუშაობას. თავიდან ამბობდნენ, რომ ''კურიერ პ.ს.''-ში დათო კიკალიშვილის თანაწამყვანი გახდებოდა.
იმასაც ამბობდნენ, რომ ნაციონალების მხარდამჭერების ერთ ტელევიზიაში თავმოყრა საშიში იქნებოდა ხელისუფლებისთვის და ''რუსთავი 2'' სერიოზულ იარაღად იქცეოდა.
როგორც ჩანს, ეკა კვესიტაძის ''პ.ს''-ის თანაწამყვანობის თემა განხილვის საგანი დიდხანს არ ყოფილა. ''პ.ს''-ის წამყვანი დათო კიკალიშვილი ჟურნალ ''რეიტინგთან'' ინტერვიუში დელიკატურად აღნიშნავდა, რომ ეს იდეა, მაინცდამაინც არ მოსწონდა.
''გამიხარდება თუ ეკა ''რუსთავი 2''-ში დაიწყებს მუშაობას, მაგრამ მას ყოველთვის ანალიტიკური გადაცემები მიჰყავდა და ''პ.ს''- ში ვერ წარმომიდგენიაო'', ამბობდა.
დღეს კი ცნობილი გახდა, რომ ეკა კვესიტაძის გადაცემა უახლოეს მომავალში გავა ეთერში.