სკანდალი "ცეკვავენ ვარსკვლავებში" - ჩერტკოევთან ჩხუბის გამო პროექტი მთავარმა ქორეოგრაფებმა დატოვეს

სკანდალი "ცეკვავენ ვარსკვლავებში" - ჩერტკოევთან ჩხუბის გამო პროექტი მთავარმა ქორეოგრაფებმა დატოვეს

"ცეკვავენ ვარსკვლავების" გარშემო სკანდალები არ მთავრდება. Ambebi.ge-სთვის ცნობილი გახდა, რომ პროექტი უცხოეთიდან მოწვეულმა ქორეოგრაფებმა დატოვეს. სანდო წყაროს ცნობით, ეს გადაწყვეტილება საშამ და ალიონამ გოჩა ჩერტკოევთან კამათის გამო მიიღეს. როგორც ჩვენთვის არის ცნობილი, პროექტის მთავარი ქორეოგრაფი გიგი გაჩეჩილაძე გახდა, რომელიც გუნდთან მუშაობას რამდენიმე დღის წინ შეუდგა, თუმცა კონკურსანტები მასთან მუშაობით უკმაყოფილოები არიან, რადგან არ ესმით, გიგი რას უხსნით.

აისახება თუ არა გიგი გაჩეჩილაძის ამ პოზიციაზე დანიშვნა სალომე ჭაჭუას და ზურა გორგაძის წყვილზე, დრო აჩვენებს. თუმცა ვარაუდობენ, რომ გიგი ყველანაირად შეეცდება სალომემ და ზურამ პროექტი მალე დატოვონ. შეგახსენებთ, რომ გიგი გაჩეჩილაძე და სალომე ჭაჭუა შეყვარებულები იყვნენ და ერთმანეთს სწორედ "ცეკვავენ ვარსკვლავებში" დაშორდნენ. სალომე მსახიობ გიორგი ვარდოსანიძეს გაჰყვა ცოლად, რომელიც სწორედ პროექტში გაიცნო.

Ambebi.ge შეეცადა "ცეკვავენ ვარსკვლავების" პროდუსერს ნოე სულაბერიძეს დაკავშირებოდა, მაგრამ ის საქართველოში არ იმყოფება.

თამარ ბოჭორიშვილი

AMBEBI.GE

"იბერიას" ჟურნალისტები განცხადებას ავრცელებენ

უჩა მამაცაშვილი "იბერიასა" და "ომეგა ჯგუფის" ირგვლივ მიმდინარე პროცესებზე პროკურატურას მიმართავს

ქართული ტელევიზიების მეპატრონეები, მათი ინტერესები და გავლენები