დღეს, 27 ოქტომბერს "რუსთავი 2" "ნიჭიერის" მეხუთე სეზონის ჩვენებას იწყებს. იქამდე, ვიდრე მაყურებელი სანახაობას ტელევიზიით იხილავს, შოუს Facebook-გვერდი ავრცელებს ერთ-ერთი მონაწილის გამოსვლის ამსახველ ვიდეომასალას.
"სპეციალურად თქვენთვის, ჩვენი ინტერნეტმომხმარებლისთვის, "ნიჭიერის" სამონტაჟოდან მოვიპარეთ ძალიან, ძალიან მაგარი ნომერი . გვინდა თქვენ ნახოთ პირველებმა -მანამ, სანამ ის ტელეეთერში გავა!
უყურეთ ჩვენი უკრაინელი კონკურსანტის უმაგრეს გამოსვლას ფილარმონიის სცენაზე!", - წერს გვერდი.
ტატიანა კუნდიკი უკრაინელი კონკურსანტია, რომელიც უკრაინულ შოუშიც მონაწილეობდა და იქ უკვე აღაფრთოვანა ჟიური. ვნახოთ, რა წარმატებას მიაღწევს ლამაზმანი საქართველოში.