ნანუკას შემდეგ არჩილ გამზარდიას გოგა ხაჩიძე და დავით პაიჭაძე დასცინიან - ივანიშვილის შოუ და "ნაციონალების" სეირი გრძელდება...

ნანუკას შემდეგ არჩილ გამზარდიას გოგა ხაჩიძე და დავით პაიჭაძე დასცინიან - ივანიშვილის შოუ და "ნაციონალების" სეირი გრძელდება...

გასული წლის ივლისში, როდესაც ბიძინა ივანიშვილმა დააანონსა, რომ მაყურებელს საავტორო სატელევიზიო პროექტს შესთავაზებდა, საპარლამენტო უმცირესობის ლიდერმა გოგა ხაჩიძემ განაცხადა, რომ ის აუცილებლად გააკეთებდა ივანიშვილის საპასუხო გადაცემას და მას შემდეგ, რაც ორი კვირის წინ GDS-ზე "20/30"-ის პრემიერა შედგა, დეპუტატმა Youtube-ის საკუთარ არხზე წამოიწყო გადაცემათა ციკლი სახელწოდებით "Я помню вашу გადაცემუ". გადაცემა "კვირის 20/30"-ის სარკასტულ მიმოხილვას ისახავს მიზნად.

ხაჩიძის რიგით მეორე, ივანიშვილის კონტრ-გადაცემის სტუმარი ჟურნალისტი დავით პაიჭაძეა. გოგა ხაჩიძემ მას სთხოვა, რომ გადაცემის სრულ შინაარსთან ერთად წამყვანის, არჩილ გამზარდიას შესახებაც გამოეთქვა მოსაზრება. გთავაზობთ ფრაგმენტს "კვირის 20/30"-ის სარკასტული მიმოხილვიდან, რომელშიც, ცხადია, გოგა ხაჩიძეც და დავით პაიჭაძეც ხაზგასმით საუბრობენ "ძლიერ და მწვავე კითხვებზე", რომლითაც არჩილ გამზარდია ბიძინა ივანიშვილს მიმართავს.

***

გოგა ხაჩიძე: წამყვანებზე რას იტყვი? არჩილ გამზარდია მუდმივი წამყვანია, ბიძინა ივანიშვილი თანაწამყვანი და მათთან ერთად, ყოველ კვირას "20/30"-ის ორი ახალი წევრი ჩნდება... გაოცებას არ იწვევს არჩილის თამამი შეკითხვები? მისი შეკითხვები ძალიან თამამია; მე გამიჭირდებოდა ბატონ ბიძინასთვის ასეთი კითხვების დასმა...

დავით პაიჭაძე: დიახ, მაგრამ ამ "სითამამეს" აბალანსებს ამ შეკითხვების ფიანდაზურობა. ეს არის შეკითხვები, რომლებიც ეფინება რესპოდენტის წინაშე, რათა მან თავისუფლად გაიაროს ამ შეკითხვაზე და მან თავისუფლად, რაც მის გულსა და სულს ეამება, ის უპასუხოს. აიღეთ მისი ნებისმიერი კითხვა, ის, მიუხედავად სიმწვავისა, შეიცავს რესპოდენტისათვის პასუხის გაიოლების შესაძლებლობას. იქ ჩადებულია პასუხის "კოდი"...

გოგა ხაჩიძე: და, სხვათა შორის, თვალებში უყურებს ბიძინას. პრინციპულად, თვალს არ ახამხამებს. დამერწმუნებით, ძნელია, ივანიშვილს დაუსვა ასეთი მნიშვნელოვანი შეკითხვები და ამავდროულად უყურო თვალებში და დაელოდო პასუხს...

დავით პაიჭაძე: გეტყვით, რომ გაცილებით ძნელია, არ შეგეტყოს, გესმის თუ არა, რას ლაპარაკობს ივანიშვილი. ანუ, როდესაც გამზარდია უყურებს ივანიშვილს და უსმენს მის ლაპარაკს, ჩვენ ვერ ვხვდებით, ესმის გამზარდიას, რას ამბობს ივანიშვილი, თუ არა...

შეგახსენებთ, რომ ეს არ არის პირველი შემთხვევა, როდესაც ექსპერტი და ახლა უკვე "20/30"-ის წევრი და საკვირაო ანალიტიკური თოქშოუს წამყვანი არჩილ გამზარდია სუსტი შეკითხვების გამო გააკრიტიკეს. პირველი კი, ვინც გამზარდია წამყვანის ამპლუაში სახალხოდ დაიწუნა, ტელეწამყვანი ნანუკა ჟორჟოლიანი იყო, რომელიც გამზარდიას მსგავსად, თავადაც, თითქმის ყველა გადაცემის შემდეგ ხდება სოციალურ ქსელებში არაერთი ნეგატიური პოსტის ინსპირატორი.

იხილეთ ვიდეო

დაგაინტერესებთ| "ხელფასს მიშაც მიხდიდა, შემოგევლე" - ჟორჟოლიანი-გამზარდიას დაპირისპირება და სეირი "ფეისბუქზე" ივანიშვილის შოუს შემდეგ

"იბერიას" ჟურნალისტები განცხადებას ავრცელებენ

უჩა მამაცაშვილი "იბერიასა" და "ომეგა ჯგუფის" ირგვლივ მიმდინარე პროცესებზე პროკურატურას მიმართავს

ქართული ტელევიზიების მეპატრონეები, მათი ინტერესები და გავლენები