საქართველომ პრესის თავისუფლების ინდექსში პოზიცია 15 პუნქტით გაიუმჯობესა

საქართველომ პრესის თავისუფლების ინდექსში პოზიცია 15 პუნქტით გაიუმჯობესა. საერთაშორისო უფლებადამცველი ორგანიზაციის - "რეპორტიორები საზღვრებს გარეშე" 2015 წლის ანგარიშში საქართველოს 180 ქვეყანას შორის 69-ე ადგილი უკავია.

ახალი ანგარიში ორგანიზაციის ვებ-გვერდზე გამოქვეყნდა. პრესის თავისუფლების ინდექსში პირველი ხუთი ადგილი ფინეთს, ნორვეგიას, დანიას, ნიდერლანდებს და შვედეთს უკავია, ბოლო – 180-ე ადგილზე კი ერითრეაა.

რაც შეეხება საქართველოს მეზობელს ქვეყნებს, პრესის თავისუფლების ინდექსის მიხედვით მათი ადგილები ასე გამოიყურება: სომხეთი 78-ე, თურქეთი 149-ე, რუსეთი 152-ე აზერბაიჯანი კი 162-ე ადგილს იკავებს.

შარშან საქართველოს პრესის თავისუფლების ინდექსში 180 ქვეყანას შორის 84 ადგილი ჰქონდა განსაზღვრული.

"ინტერპრესნიუსი"