ნიკა გვარამიას საგანგებო მიმართვა

ნიკა გვარამიას საგანგებო მიმართვა

რუსთავი 2-ის გენერალურმა დირექტორმა ნიკა გვარამიამ სპეციალურ ბრიფინგზე საზოგადოებას სამაუწყებლო კომპანიის მხარდაჭერისკენ კიდევ ერთხელ მოუწოდა.

"დღეს საქართველოში სასამართლო ხელისუფლება საბოლოოდ დასამარდა ურთმელიძის ხელით. რუსთავი 2 დატოვებულ იქნა სამართლიანი სასამართლოს უფლების გარეშე, დატოვებულ იქნა კონსტიტუციის 42-მუხლით გათვალისწინებული დაცვის გარეშე. ჩვენს ადვოკატებს არ მიეცათ შესაძლებლობა არა თუ რაიმე შუამდგომლობის ადეკვატურად დაყენების, არა თუ უარი ეთქვათ ყველა შუამდგომლობაზე, რომელიც სრულიად კანონიერად იყო დაყენებული, უარი ეთქვათ ყოვლად დაუსაბუთებლად ყოველგვარი საპროცესო ნორმის და მატერიალური სამართლის ნორმის მითითების გარეშე, არამედ უარი ეთქვათ მთავარზე, მომზადებულიყვნენ, გაეაზრებინათ ყველაფერი, რაც ამ დღეების განმავლობაში არანორმალური ტემპით წარმოებულ პროცესებზე მოხდა და შეგახსენებთ, რომ 9 სამუშაო დღეში ჩატარდა ყველა სხდომა, რაც უპრეცედენტო შემთხვევაა ქართული მართლმსაჯულების ისტორიაში. არ მიეცათ საშუალება მოესმინათ და წაეკითხათ ყველა ის არგუმენტი, რომელიც იქნა სასამართლო სხდომაზე წარმოთქმული და დაყენებული, არ მიეცათ შესაძლებლობა გაეაზრებინათ ექპერტის პასუხები ძალიან კრიტიკულ თემაზე და პროცესი ჩაინიშნა ხვალ.

არც ერთი სამუშაო საათი იმისთვის, რომ ჩვენმა გუნდმა მოამზადოს პასუხები მოსამართლე ურთმელიძემ არ მოგვცა, რითიც დაგვტოვა სამართლიანი სასამართლოს გარეშე, დადგა კონსტიტუციაზე მაღლა და დაგვტოვა საქართველოს კონსტიტუციით დადგენილი უფლებების და თავისუფლებების მიღმა,"-განაცხადა გვარამიამ.

"იბერიას" ჟურნალისტები განცხადებას ავრცელებენ

უჩა მამაცაშვილი "იბერიასა" და "ომეგა ჯგუფის" ირგვლივ მიმდინარე პროცესებზე პროკურატურას მიმართავს

ქართული ტელევიზიების მეპატრონეები, მათი ინტერესები და გავლენები