დღეს, 21 ივლისს, ტელეკომპანია "PalitraNews-ის" საზოგადოებრივ-პოლიტიკური თოქ-შოუს, "360 გრადუსის" მთავარი თემა იქნება იგორ გიორგაძის საქმე და რუსული ემბარგო. თემებზე ისაუბრებენ პარლამენტის ყოფილი წევრი ირინა სარიშვილი, საპარლამენტო უმრავლესობის წევრი ნუკრი ქანთარია, თავდაცვის ყოფილი მინისტრი დავით თევზაძე, " ნაციონალური მოძრაობის" წევრი პეტრე ცისკარიშვილი, პარტია " სახელმწიფო ხალხისათვის" წევრი ირაკლი ყიფიანი, "ახალი პოლიტიკური ცენტრის-გირჩის" წევრი ლევან ჩოლოყაშვილი და ექსპერტი ლევან კალანდაძე.
მაყურებელს შესაძლებლობა აქვს სასურველი შეკითხვის დასმის, რომელსაც წამყვანი პირდაპირ ეთერში გააჟღერებს. შეკითხვების გაგზავნა დაინტერესებულ პირებს შეუძლიათ "PalitraNews-ის" ოფიციალურ "Facebook" გვერდზე.
გადაცემა 21:00 საათზე დაიწყება.