"მაესტრო" შესაძლოა "იმედის" შენობაში გადავიდეს

"მაესტრო" შესაძლოა "იმედის" შენობაში გადავიდეს

"მაესტრო" შესაძლოა "იმედის" შენობაში განთავსდეს. ტელეკომპანიის მენეჯმენტი ამ იდეას განიხილავს. "მაესტრო" დიღომში, ბელიაშვილის ქუჩაზე ნაქირავებ ფართში ფუნქციონირებს, ტელეკომპანია "იმედი" ასევე დიღომში, ლუბლიანას ქუჩაზე მდებარეობს.

AMBEBI.GE "მაესტროს" გენერალურ დირექტორს ზურაბ ნაყეურს ესაუბრა:

- ბატონო ზურაბ, გავრცელდა ინფორმაცია, რომ "მაესტრო" "იმედის" შენობაში გადადის. ადასტურებთ ამ ინფორმაციას?

- ხელშეკრულება ოფიციალურად ჯერ გაფორმებული არ არის, ისე ერთ-ერთ ვარიანტად მაგასაც ვიხილავთ. შესაძლოა, ასეც იყოს.

- როდიდან და რატომ ფიქრობთ შენობიდან გადასვლას?

- ეს შენობა, სადაც ახლა ვიმყოფებით ნაქირავებია და ვფიქრობთ, "იმედში" არსებული თავისუფალი ფართები შეგვიძლია ავითვისოთ.

- რამდენად იქნება შესაძლებელი "იმედის" შენობაში ორივე ტელევიზია განთავსდეს?

- ტექნიკურად შესაძლებელია, წინააღმდეგ შემთხვევაში, თუ ეს არ მოხერხდება, "იმედის" შენობაში არც გადავალთ. სწორედ ტექნიკური საშუალებების განხილვის სტადიაზე ვართ ახლა. თუ მოგვცემს საშუალებას პირობები, ფართი და მთელი რიგი მოცემულებები - გადავალთ, თუ არა - არ გადავალთ. განხილვის სტადიაზე ვართ.

გასული წლის დეკემბერში მედიაჰოლდინგმა "იმედმა" განაცხადა, რომ მოლაპარაკებები ტელეკომპანია "მაესტროს" საკონტროლო პაკეტის შეძენასთან დაკავშირებით წარმატებით დასრულდა და 2017 წლის იანვრიდან ტელეკომპანია "მაესტრო" ჰოლდინგ "იმედის" შემადგენელი ნაწილი გახდებოდა. წელს კი, ტელეკომპანია "იმედის" მფლობელმა კომპანიამ, შპს "ჯორჯიან მედია პროდაქშენ გრუპმა" ტელეკომპანია GDS-ის 100-პროცენტიანი წილი იყიდა.

ნატალია დადიანი

AMBEBI.GE

"იბერიას" ჟურნალისტები განცხადებას ავრცელებენ

უჩა მამაცაშვილი "იბერიასა" და "ომეგა ჯგუფის" ირგვლივ მიმდინარე პროცესებზე პროკურატურას მიმართავს

ქართული ტელევიზიების მეპატრონეები, მათი ინტერესები და გავლენები