ოპრა უინფრის ცხოვრების შესახებ სატელევიზიო ფილმს გადაიღებენ

ცნობილმა პროდუსერმა ლარი ტომპსონმა სატელევიზიო ფილმის გადაღება გადაწყვიტა, რომელიც ცნობილი ტელეწამყვანის ოპრა უინფრის ცხოვრებასა და კარიერას მიეძღვნება, იტყობინება The Hollywood Reporter. 2-დან 4 სააათამდე ქრონომეტრაჟის მქონე ფილმი კიტ კელის მიერ დაწერილ უინფრის ბიოგრაფიაზე იქნება დაფუძნებული.

ფილმი ეკრანებზე 2011 წლის სექტემბერში გამოვა და ლეგენდარული თოქ-შოუს დასრულების თარიღს დაემთხვევა, რომელიც უინფრის 1986 წლიდან მიყავდა. გადაცემის ბოლო გამოშვება ეთერში 2011 წლის 9 სექტემბერს გავა და თოქ-შოუს 25-ე სეზონს დახურავს.

ოპრა უინფრის პირველი თოქ-შოუ ეთერში 1986 წლის 8 სექტემბერს გავიდა. გადაცემამ უკვე დაამყარა რეკორდი, როგორც ყველაზე ხანგრძლივმა შოუმ ტელევიზიაში. სულ ცოტა ხნის წინ უინფრი შოუ-ბიზნესის სამყაროში ყველაზე გავლენიანი ადამიანების სიის სათავეში აღმოჩნდა, რომელსაც ჟურნალი Forbes ყოველწლიურად აქვეყნებს.

მომზადებულია lenta.ru-ს მიხედვით.