Newsweek-ი 91 წლის ამერიკელმა მილიარდერმა შეიძინა

Washington Post Co.-მ პოპულარული ამერიკული ყოველკვირეული გამოცემა Newsweek 91 წლის მილიარდერ სიდნი ჰარმანს მიჰყიდა, რომელიც აუდიოტექნიკის მწარმოებელი ფირმის Harman International Industries-ის დამაარსებელია.

გავრცელებული ინფორმაციით, ჰერმანი Washington Post-ს ფულს არ გადაუხდის და მხოლოდ Newsweek-ის ვალდებულებს გაასწორებს.

მსოფლიოს ბეჭდურ გამოცემებში სარეკლამო შემოსავლების კლებამ Newsweek-ი განსაკუთრებით აზარალა. შარშან გამოცემის შემოსავალმა 100 მლნ დოლარით იკლო, ხოლო სუფთა ზარალმა 20 მლნ დოლარი შეადგინა. 

Washington Post-ს Newsweek-ის საპენსიო აქტივები და ჟურნალის თანამშრომელთა წინაშე ფინანსური ვალდებულებები რჩება.

Newsweek-ის პირველი ნომერი 1933 წელს გამოვიდა, 1961 წელს კი ის The Washington Post-მა შეიძინა. ამ დროისთვის ჟურნალი ექვს ენაზე გამოდის.

მომზადებულია newsru.com-ის მიხედვით.