რამდენი პრესის ჯიხურია თბილისში და რამდენს დახურავს მერია

დედაქალაქის მერიის მიერ გამოცხადებული ტენდერის შედეგად თბილისში არსებულ პრესის გამავრცელებელ ჯიხურებს დახურვა ემუქრება. ამ დროისთვის დახურვის შესახებ მერიამ უკვე გააფრთხილა "მაცნეს" 12 ჯიხური, "პლანეტა ფორტეს" - 6, "ელვასერვისის” -1 და კერძო პირის 1 ჯიხური.

თბილისში ამჟამად არსებული პრესის გამავრცელებელი ჯიხურებიდან 22 ჯიხური "ელვასერვისს" (”მედიაპალიტრას”) ეკუთვნის, 40 ჯიხური "პლანეტა-ფორტეს" კუთვნილებაა (დამოუკიდებელი გამავრცელებელი), 72 - "მაცნეს" (დამოუკიდებელი გამავრცელებელი), 10 კი კერძო პირებს ეკუთვნის. დედაქალაქში ფუნქციონირებს 300-მდე "ვაიდდისტრიბუშენის" ე.წ. ”პრაიმტაიმის” ჯიხურები, რომელიც, სავარაუდოდ, დავით კეზერაშვილს ეკუთვნის.