კვირის ყველაზე კითხვადი სტატიები
თვის ყველაზე კითხვადი სტატიები
21:30 / 21-09-2012
"საზოგადოებრივი მაუწყებლის" საზოგადოებრივი საბჭო არხს პატიმართა წამების ფაქტების სათანადოდ გაშუქებისკენ მოუწოდებს
"საზოგადოებრივი მაუწყებლის" საზოგადოებრივი საბჭო არხს პატიმართა წამების ფაქტების სათანადოდ გაშუქებისკენ მოუწოდებს, წინააღმდეგ შემთხვევაში კი წევრები საბჭოს დატოვებით იმუქრებიან.

როგორც "ინტერპრესნიუსს" საბჭოდან აცნობეს, წევრები სასჯელაღსრულების სისტემაში გამოვლენილი პატიმრების წამებისა და მათდამი სადისტურად მოპყრობის დამადასტურებელი ფაქტების ხილვის გამო აღშფოთებას გამოთქვამენ და მაუწყებლის ეთერში საზოგადოებრივი პროტესტის ასახვას მოითხოვენ.

"მოვითხოვთ, საზოგადოებრივი მაუწყებლის ეთერში ფართოდ გაშუქდეს სასჯელაღსრულების სისტემაში არსებული მდგომარეობა და მოხდეს ამასთან დაკავშირებით საზოგადოებრივი პროტესტის ასახვა ექსპერტთა თუ საზოგადოების წარმომადგენელთა შერჩევითობის პრინციპის გარეშე, რაც წლების განმავლობაში საზოგადოებრივი მაუწყებლის პროპაგანდისტული მანქანის მამოძრავებელი სტილი იყო. თუკი საზოგადოებრივი მაუწყებლის
ეთერში კვლავ გაგრძელდება კრიტიკული აზროვნების მქონე ექსპერტთა და საზოგადოების წარმომადგენელთა დაბლოკვა და საინფორმაციო გადაცემებში ფაქტებისა თუ კომენტარების მიზანმიმართულად დამახინჯება, თუკი საზოგადოებრივი მაუწყებელი წინასაარჩევნო პერიოდში მაინც ეთერს არ დაუთმობს თავისუფალ დისკუსიებს ქვეყნისა და საზოგადოებისთვის საჭირბოროტო საკითხებზე, უარს ვიტყვით საზოგადოებრივი საბჭოს წევრობაზე", - ნათქვამია საზოგადოებრივი საბჭოს განცხადებაში.

განცხადების თანახმად, მაუწყებლობის შესახებ კანონი საზოგადოებრივი მაუწყებლის სამეურვეო საბჭოს საზოგადოებრივი საბჭოს წევრებთან წელიწადში სულ მცირე ორჯერ შეხვედრას ავალდებულებდა, თუმცა, ეს ინიციატივა სამეურვეო საბჭოდან არ წამოსულა.

"აქედან გამომდინარე ვაცხადებთ, რომ საზოგადოებრივი საბჭოს არსებობას დღემდე ფორმალური ხასიათი აქვს. იმის გამო, რომ დღემდე ჩვენი მოსაზრებების დაფიქსირების საშუალება სხდომების შეგნებულად არმოწვევის გამო არ მოგვეცა, ჩვენი პოზიციის გამჟღავნების ამ ხერხს მივმართეთ", - აღნიშნულია განცხადებაში.

"ინტერპრესნიუსი"
23:44 / 21-09-2012
საზოგადოებრივი საბჭო ვის მოუწოდებს - კამერებს, კაბელებს, ანძას თუ იმ ყბაჩა იმბეცილ თავმჯდომარეს???
***
მსგავსი სიახლეები
ამ კატეგორიის სხვა სიახლეები
18:08 / 28-03-2015  Image რაზე ესაუბრა ხარძიანი ემზარ კვიციანს სიკვდილამდე ერთი საათით ადრე
ემზარ კვიციანი სიკვდილამდე ერთი საათით ადრე ბესო ხარძიანს შევხვდი
15:06 / 28-03-2015  Image ვინ არის ბიზნესმენი ბესიკ ხარძიანი, რომელიც საკუთარ სახლთან დაჭრეს და რას ყვებოდა ინციდენტამდე - "ამიტომ გადაწყვიტეს ჩემი გაუბედურება"
დღეს ბიზნესმენ ბესო ხარძიანს ესროლეს
18:18 / 28-03-2015  Image შვაინშტაიგერს ქართველმა ფანმა დინამოზე დაუჩოქა
VIDEO+PHOTO: გთავაზობთ, ეპიზოდის ამსახველ კადრებს
16:33 / 28-03-2015  Image ვინ არის გიორგი უდესიანი, რომელსაც მოკლული ბიზნესმენის და მკლელობაში ადანაშაულებს - "ზონდერების მეთაური, მიტინგების დამრბევი ჯალათი"
უდესიანი "ვარდების რევოლუციის" შემდგომ დიდხანს სხვადასხვა თანამდებობებზე მუშაობდა...
13:55 / 28-03-2015  Image ქართველი სტუდენტების კრეატიული პროტესტი ლექტორს, რომელმაც ისინი "გამოშტერებულ ნეხვებად" მოიხსენია
"ეს ქალბატონი, თსუ-ის ჰუმანიტარულ ფაკულტეტზე ლექტორია საგანში..."