ყველა ინფორმაცია C ჰეპატიტის შესახებ

ყველა ინფორმაცია C ჰეპატიტის შესახებ

C ჰეპატიტის ვირუსით საქართველოს მოსახლეობის 6,7%-ია ინფიცირებული. მისი გავრცელება კიდევ უფრო მაღალია ინტრავენურ ნარკომანებში და 70%-ს აღწევს.

მიუხედავად იმისა, რომ არსებობს უფასო სკინინგ-ცენტრები, საზოგადოების უმეტესობამ მაინც არ იცის C ჰეპატიტის გავრცელების რისკებსა და მკურნალობის მეთოდებზე.

რა არის C ჰეპატიტი, როგორია ინფექციის გადაცემის გზები და რა შემთხვევაში შეგიძლიათ აიცილოთ თავიდან დაინფიცირების რისკი.

გამოგზავნილი კითხვები:

მარი: სამსახუში მყავს თანამშრომელი ქალი, რომელსაც აქვს ც ჰეპატიტი და არ მკურნალობს, არის თუ არა საშიში გარშემო მყოფთათვის მასთან კონტაქტი?

-ძალიან ცუდი თუ არ მკურნალობს, ის საფრთხეს უქმნის ოჯახის წევრებს, რომლებმაც შესაძლოა ისარგებლონ ქალის კუთვნილი ისეთი საყოფაცხოვრებო ნივთებით, რომელსაც სისხლთან შეხება შესაძლოა ჰქონდეს: საპარსით, პედიკურის და მანიკიურისთვის განკუთვნილი მოწყობილობით, კბილის ჯაგრისით. სამსახურში ის პრობლემას არ ქმნის, თუ არ მუშაობს ისეთ დაწესებულებაში, სადაც პაციენტის კანთან უწევს შეხება. არ უნდა იყოს მანიკიურის და პედიკიურის ხელოსანი, არ უნდა აკეთებდეს ტატუს, პირსინგს და ა.შ. ჰეპატიტი არ გადადის ჰაერწვეთოვანი გზით. იქნებ აუხსნას ვინმემ ოჯახის წევრებისთვის რა საფრთხის მატარებელია.

მაკო: ჩემს მეუღლეს აქვს ც ჰეპატიტი .არის თუ არა გადამდები? შეიძლება თუ არა მისი ბოლომდე განკურნება?

-გადამდები არის, მაგრამ მცირე პროცენტით. ამიტომ სჯობს დროულა გაიკეთოთ სკრინინგი და მეუღლესაც სასწრაფოდ დააწყებინოთ მკურნალობა, რაგან რაც უფრო მარტივია დაავადების ფორმა, მით მაღალია სწრაფად და ბოლომდე განკურნების შესაძლებლობა. საბედნიეროდ, ც ჰეპატიტი ბოლომდე იკურნება.

ჟანა: იმკურნალა და ანალიზების შედეგად გაირკვა რომ აღარ აქვს.  ახლა ხელმეორედ უწევს ანალიზის ჩაბარება. ხელმეორედ აღმოჩენის შემთხვევაში ისევ აფინანსებს სახელმწიფო?

-თუ ერთხელ აღარ დაფიქსირდა, ე.ი. განიკურნა. ხელმოერედ რატომ იკეთებს? თუ ეს სავალდებულო კვლევაა ა დაავადება ისევ დაფიქსირდება, რა თქმა უნდა, სახელმწიფო კვლავ აფინანსებს მკურნალობას.

მანანა: დავასრულე მკურნალობის სამთვიანი კურსი, საბოლოო ანალიზმა აჩვენა რომ ვირუსი აღარ მაქვს, მაგრამ ვგრძნობ იგივე სიმპტომებს, რას მირჩევთ, სხვა სკრინინგ ცენტრში ხომ არ იქნება უკეთესი გადამოწმება, შედარებისათვის. გმადლობთ.

-სჯობს თქვენს მკურნალ ექიმთან დასვათ კითხვები. თვითნებურად ნუ იმოქმედებთ.

ანა: როდესაც ადამიანს აქვს ჰეპატიტისთვის დამახასიათებელი სიმპტომები, რამდენ ხანშია შესაძლებელი იმის დადგენა აქვს თუ არა ჰეპატიტი. ანუ რა დრო სჭირდება გამოკვლევას, ანალიზებს და საბოლოო დიაგნოზის დასმას. მაინტერესებს როგორც C ასევე B-ს შემთხვევაში.

-შესაძლოა ც ჰეპატიტი დიდი ხნის განმავლობაში უსიმპტომოდ მიმადინარეობდეს და ძალიან გვიან გამოჩნდეს სიმპტომები. ამ დროისთვის ღვიძლი ძალიან დაზიანებულია. ამიტომაც სჯობს, ყველა მოქალაქემ დაუყოვნებლივ გაიკეთოს გამოკვლევა სკრინინგ ცენტრებში, რომლებიც უფასოა და დაადგინოს სჭირს თუ არა დაავადება. სკრინინგ ცენტრში პირველადი გამოკვლევისთვის, რომელიც გიჩვენებთ გაქვთ თუ არა ვირუსი, სულ ათი წუთი კმარა სწრაფი ტესტით პასუხის მიღებას. თუ ვირუსის ანტისხეულები დაფიქსირდება, მაშინ შემდეგი ეტაპის გამოვკვლევა დაგჭირდებათ, რის შესახებაც ადგილზევე დაგაკვალიანებენ და დაგეხმარებიან.

ქეთი: ამბობენ C ჰეპატიტის პროგრამა უქმდებაო, მართალია?

-სიცრუეა. მეტიც, აბსურდი. საქართველო არის მოდელი სახელმწიფო, საიდანაც უნდა გადაიღონ მაგალითი, როგორ შეიძლება ც ჰეპატიტის დამარცხება. ამისთვის შეიქმნა ელიმინაციის აღმოფხვრის პროგრამა, რაც არამხოლოდ ც ჰეპატიტიზე უფასო მკურნალობას ნიშნავს, ასევე მოიცავს სკრინინგს, ყველა დაავადებულის გამოვლენას და დაავადების წარმომქმნელი რისკფაქტორების გაუვნებელყოფას.

ლაურა: როგორ მოვიქცეთ, როცა ოჯახში ავადმყოფია?

-ნუ აგრძნობინებთ, რომ ის ავად არის, მეტი სიყვარულით მოექეცით. ნუ იხმართ მის საყოფაცხოვრებო საგნებს, სხვა მხრივ მისგან საფრთხე არ გელით. სიყვარული, კოცნა, ჩახუტება ც ჰეპატიტის საფრთხეს არ ქმნის.

ნანა: ინფიცირებიდან რა ხნის შემდეგ არის დადებითი ანალიზის პასუხი?

-ვირუსის ინკუბაციას სჭირდება 3-დან 6 თვემდე პერიოდი. ამიტომაც თუ ეჭვი შეგეპარათ, რომ შესაძლოა დავირუსდით, დაელოდეთ ამ პერიოდის გასვლას. საერთოდ კი უპრიანია ყველამ ჩაიტაროს სკრინინგი, კვლევა, რადგან საფრთხე ძალიან ბევრგან არის ჩასაფრებული და შესაძლოა ვერც მიხვდეთ, რომ ოდესღაც ამ საფრთხესთან შეხება გქონდათ.

 

ასევე შეგიძლიათ წაიკითხოთ: რა ბედი ელის C ჰეპატიტის ელიმინაციის პროექტს - "მსოფლიოს ნებისმიერ ქვეყანაში ინატრებენ სასწაულს, რაც აქ ხდება"

ალკოჰოლის მიღება და უზიარებლობა მარხვის დროს - რა უნდა იცოდეს მართლმადიდებელმა მარხვის შესახებ

რა არის აზიური ფაროსანა და უქმნის თუ არა ჯანმრთელობას საფრთხეს?

რა არის დეჰიდრატაცია და როგორ ვუმკურნალოთ მას