"ლალიკოს ყვავილები" - ექსკლუზიური და ეგზოტიკური კომპოზიციები

"ლალიკოს ყვავილები" - ექსკლუზიური და ეგზოტიკური კომპოზიციები

თბილისში, მიცკევიჩის 17 ნომერში ყვავილების ახალი სალონი "ლალიკოს ყვავილები" გაიხსნა. ექსკლუზიური შეთავაზებები, განსხვავებული სერვისი, ხარისხიანი პროდუქცია, მისაღები ფასები - სწორედ ესაა უპირატესობები, რომელთა საშუალებითაც ყვავილების სალონმა უკვე დაიპყრო ყვავილის მოყვარულების გულები. მაღაზიაქართველ მომხმარებელს ექსკლუზიურად სთავაზობს ყვავილის რამდენიმე ეგზოტიკურ სახეობას.

"ლალიკოს ყვავილების" საზოგადოებასთან ურთიერთობის მენეჯერი მოდელი ქრისტი ყიფშიძეა. ambebi.ge -სთან ინტერვიუში მაღაზიის ექსკლუზიურ შეთავაზებებსა და სერვისებზე ისაუბრა.

- როდის გაიხსნა ყვავილების სალონი და როგორია თქვენი შეთავაზებები?

- მაღაზია 2 თვის წინ გაიხსნა, თუმცა თამამად შემიძლია ვთქვა, რომ ქართულმა საზოგადოებამ ჩვენი თაიგულები აიტაცა. საქართველოში ყველაზე მიღებული ყვავილი ვარდია და ჩვენც ვაფასებთ მას. თუმცა ტრადიციულის პარალელურად, ჩვენ ქართულ ბაზარზე არსებული პროდუქტებისგან განსხვავებულ ასორტიმენტს ვთავაზობთ მომხმარებელს. საზოგადოება საკმაოდ გახსნილია საიხლეები მიმართ. საპატარძლო თაიგულების სრულად ახალი ტენდენცია დავნერგეთ. პორტეები საპატარძლო თაიგულად პირველად სწორედ ჩვენ გამოვიყენეთ და ეს ტენდენცია ქართველმა გოგონებმა საკმაოდ სწრაფად აიტაცეს.

კლიენტებს როგორც სადღესასწაულო კომპოზიციებს, ისე წვეულებების ფლორისტიკასა და სამგლოვიარო გვირგვინებს ვთავაზობთ.

- როგორც ვიცით რამდენიმე უნიკალური შეთავაზება გაქვთ. მოგვიყევით მათ შესახებ.

- ექსკლუზიური ყვავილების გარდა, ნამდვილად გვაქვს სხვა უნიკალური სერვისებიც. მაღაზია მომხმარებელს 24 საათიან მიტანის სერვისს სავაზობს ქვეყნის სრული მასშტაბით. ყვავილების შეკვეთა ვებგვერდისა - http://lalikosflowers.ge/ და Facebook გვერდის - https://www.facebook.com/lalikosflowers/ საშუალებითაცაა შესაძლებელი. მომხმარებლებს საზღვრებს გარედანაც შეუძლიათ თაიგულის შეკვეთა. 100 ლარაზე მეტი ღირებულების პროდუქციის შეკვეთის შემთხვევაში თბილისის მასშტაბით მიტანა უფასოა.თაიგულის ადგილზე მიტანის დროს ფოტოზე აღვბეჭდავთ მიმღების რეაქციას და მას დამკვეთს ვანახებთ.

მომხმარებელს კომპოზიციის შედგენაშიც ვეხმარებით. დამკვეთების ნაწილს წინასწარ აქვს შერჩეული თაიგული, ნაწილს კი ყვავილების სალონის თანამშრომლები ეხმარებიან მოდური და ოპტიმალურ ბიუჯეტიანი პროდუქის შერჩევაში. ყველა თანამშრომელი ჩართულია თითოეული შეკვეთის მომზადების პროცესში.

თავად სალონი კი სასიამოვნო გარემოთი და ხარისხიანი მომსახურებით გამოირჩევა. აქვე მინდა აღვნიშნო, რომ ჩვენ სოციალურ პასუხისმგებლობასაც დიდ ყურადღებას ვაქცევთ. პერიოდულად ყვავილებს ვუგზავნით ხოლმე ადამიანებს, რომლებიც აქტიური ქველმოქმედებით გამოირჩევიან. ჩვენ ჩვენი შესაძლებლობების ფარგლებში ცდილობთ კეთილი საქმეების წახალისებას.

- როგორია თქვენი საფასო პოლიტიკა?

- "ლალიკოს ყვავილები" კონკურენტული ფასებითაც გამოირჩევა. ჩვენი უპირატესობა ექსკლუზიურ პროდუქციაზე ბაზრისთვის მისაღები ფასების შეთავაზებაა. აქ მოსულ მომხმარებელს, შეუძლია იყიდოს ექსკლუზიური ყვავილების თაიგული იმ ფასად, რასაც სხვა ტრადიციულ ყვავილში გადაიხდიდა.

ჩვენი პროდუქცია და ფასები ნებისმიერი კატეგორიის მომხმარებლისთვისაა მისაღები. მაგალითად, რამდენიმე დღის წინ ჩვენთან იყო ბებო, რომელმაც 5 ლარის ყვავილები იყიდა და სრულიად კმაყოფილი წავიდა. თუმცა, პარალელურად გვაქვს ხოლმე 1 000 ლარიანი ვარდების თაიგულის შეკვეთა. ასე რომ, მზად ვართ, ნებისმიერი ინტერესების მქონე კლიენტს მოვემსახუროთ.

- როგორც აღნიშნეთ, ძირითადად ეგზოტიკურ ყვავილებს სთავაზობთ მომხმარებელს. გაქვთ თუ არა ქართული ყვავილებიც?

- სალონში წარმოდგენილი სრული პროდუქცია საზღვარგარეთიდან არის შემოტანილი.ჩვენ, რა თქმა უნდა, ქართული პროდუქციის წინააღმდეგები არ ვართ. უბრალოდ ჩვენ მიერ შეთავაზებული ყვავილების უმეტესობა საქართველოში არ ხარობს. თუმცა არის ექსტრემალური სიტუაციები, როცა კომპოზიციებისთვის ქართულ ყვავილებსაც ვიყენებთ ხოლმე.

- რომელი ყვავილები იქნება 2017 წელს აქტუალური?

- 2017 წელს ბაცი ფერის ყვავილებია აქტუალური. თუმცა წლის სიმბოლოსთან მამალთან დაკავშირებით წითელიც ძალიან მოდური იქნება.

- როგორია თქვენი სამომავლო გეგმები?

- ამჟამად "ლალიკოს ყვავილებს" მხოლოს ერთი ფილიალი აქვს. თუმცა უახლოეს პერიოდში ვგეგმავთ გაფართოებას როგორც დედაქალაქის, ისე რეგიონალური მასშტაბით.

ნანა მღებრიშვილი

(R)

აჭარაში საუკეთესო ტურისტული სერვისის მიმწოდებლები გამოვლინდნენ

ახალგაზრდა მსახიობი მარიკა ხუნდაძე თიბისის მხარდაჭერით სწავლას ლონდონში, Royal Central School of Speech and Drama-ში გააგრძელებს

გულწრფელი ემოციები და მოულოდნელობა - ნახეთ რა სიურპრიზი მოუწყო ონვეი დელივერიმ კურიერებს