ორიგინალური კერძების სამზარეულო: ხორცის რულეტები შავი ქლიავით

ვინაიდან შვებულების დრო დაიწყო და ვისაც სამზარეულოში ფუსფუსი უყვარს, მეტი დრო რჩება საყვარელი საქმიანობისთვის. თქვენს მდიდარ გამოცდილებას ჩვენი რჩეული რეცეპტებიც შეგიძლიათ შემატოთ. ეს ძალიან გემრიელია.

მაშ ასე: ხორცის რულეტები შავი ქლიავით

ინგრედიენტები:

ღორის რბილი ხორცი ან ფილე

6 ულუფა

ბეკონი

6 ნაჭერი

შავი ქლიავის ჩირი, უკურკო

100 გ

მარილი და პილპილი

ბულიონი

მომზადების წესი

ღორის ფილეს ნაჭრები დავბეგვოთ, დავაყაროთ მარილი, პილპილი. დავადოთ ქლიავის ჩირი და გადავახვიოთ. გარედან შემოვახვიოთ ბეკონის ნაჭერი და დავამაგროთ ხის ჩხირით.

შევწვათ ზეთიან ტაფაზე ყველა მხრიდან, შემდეგ დავასხათ ბულიონი და 15-20 წუთი კიდევ ვადუღოთ დაბალ ცეცხლზე.

სოუსისთვის შეგვიძლია დავამატოთ რამდენიმე კოვზი ნაღები და შევაზავოთ მარილით და პილპილით.

gemrielia.ge