როგორ ''აბამდა'' 19 წლის მოზარდს 39 წლის შვილიანი ქალი...

როგორ ''აბამდა'' 19 წლის მოზარდს 39 წლის შვილიანი ქალი...

ინტერნეტის წყალობით 16 წლის ლევანი დედის ასაკის ქალს გაუმიჯნურდა. მოზარდი მთელ დღეებს კომპიუტერთან ატარებდა, სწავლის, თანატოლებთან ურთიერთობისა და გართობის ინტერესიც დაკარგა. ერთ დღესაც კომპიუტერს ბიჭის დედა მიუჯდა და იმ ქალთან გააბა მიმოწერა, ვის გამოც მისი შვილი თითქმის ერთი წლის განმავლობაში კომპიუტერის ეკრანს ვერ სწყდებოდა...

- ალბათ მხოლოდ დედები თუ გაიგებენ, რასაც მაშინ განვიცდიდი. საშინელებაა, როცა 16 წლის შვილს ვიღაც გიშტერებს და გართმევს. ჰო, აბა სხვა რა უნდა დავარქვა ამას?! შენ კი ვერაფრით შველი, ვერ უხელ თვალს ბავშვს, რომელიც ისეა დაბრმავებული, რამე რომ უთხრა, მტრად ჩაგთვლის და შეიძლება სახლიდანაც გაიქცეს. მე დუმილი ვარჩიე და გამოსავლის ძიება მარტომ დავიწყე...

- როგორ აღმოაჩინეთ, რომ თქვენი შვილი თავისზე რამდენიმე წლით უფროს ქალთან კონტაქტობდა?

- გეტყვით, როგორ დაიწყო ყველაფერი. ჩემმა მეუღლემ გიოს დიდი ხნის ოცნება აუსრულა და კომპიუტერი უყიდა. თავიდან მხოლოდ ერთი-ორი საათით თუ მიუჯდებოდა, ცოტას წაითამაშებდა და ეგ იყო. მერე ათასი პროგრამა ჩაწერა, ინტერნეტიც ჩავრთეთ და ჯოჯოხეთიც მაშინ დაიწყო. ბევრჯერ გამთენიისას დაწოლილა დასაძინებლად. ძალიან ვბრაზობდი, მეუღლეს ვეუბნებოდი, ჩემი არ ესმის და იქნებ შენი მაინც გაიგოს-მეთქი, მაგრამ საყვედურებით ვერაფერს გავხდით. სამსახურში მეც მომთხოვეს, კომპიუტერული პროგრამები შეისწავლეო და სამთვიანი კურსების გავლა მომიხდა. საღამოობით ლევანს ვთხოვდი, კომპიუტერი ჩემთვის დაეთმო. არ უნდოდა, მაგრამ სხვა გზა არ ჰქონდა. მე თვითონაც არ მეგონა, ისე კარგად ავითვისე ყველაფერი. თან, რაც უფრო მეტს ვიგებდი, მით უფრო მიხაროდა და ახლა უკვე მე მივეჯაჭვე ეკრანს.

- თქვენი შვილი როგორ იტანდა ''კონკურენტს''?

- როცა მე ვიჯექი კომპიუტერთან, ლევანი სახლიდან მიდიოდა. ეს მიხაროდა კიდეც და ზოგჯერ საქმეც რომ არ მქონდა, რაღაცებს ვიმიზეზებდი - საბეჭდი მაქვს-მეთქი. ერთ დღესაც ''სკაიპი'' ჩართული დარჩა და მაშინ გამჟღავნდა ყველაფერი. ჩემს შვილს ვიღაც ქალი სწერდა. საყვედურობდა, რა გაწყენინე ასეთი, ვხედავ, რომ კომპიუტერთან ხარ და რატომ არ მომიკითხავო. თავიდან გამიკვირდა, ვიფიქრე, ამხელა ქალს ჩემს შვილთან რა საქმე აქვს, რამე ხომ არ ეშლება-მეთქი, მაგრამ მერე მათი საუბრების არქივს მივყევი და გული გამისკდა! მივხვდი, რომ ჩემი შვილი დიდ გასაჭირში იყო ჩავარდნილი. 39 წლის ქერა ქალი, ჩემს შვილს ''აბამდა'' - ამ სიტყვის სრული მნიშვნელობით.

- მაინც რას სწერდა ასეთს?

- ნუ დამაკონკრეტებინებთ, დღესაც ცუდად ვხდები, ყველაფერი რომ მახსენდება. უბრალოდ გეტყვით, რომ ამ მიმოწერას სისტემატური ხასიათი ჰქონდა და ის ქალი ყოველდღიურად უყვებოდა დღის განრიგს, როგორ შეეჩვია ჩემს შვილთან საუბარს და ეშინია, რომ ეს ყველაფერი გრძნობაში არ გადაიზარდოს... ჩემი სულელი შვილი შეხვედრას სთხოვდა და ის უარს ეუბნებოდა. თავს იმით იმართლებდა, ჩვენ შორის დიდი ასაკობრივი სხვაობაა, არ მინდა შეგიყვარდე და ამ სიყვარულით დაიტანჯოო. ჩემი შვილი ეკითხებოდა, შენ რომ შეგიყვარდეო და ის პასუხობდა, მე შეჩვეული ვარ ტკივილს და როგორღაც გადავიტან, შენს გულს ვუფრთხილდებიო.

- გასაკვირია, რაში სჭირდებოდა იმ ქალს თქვენი 16 წლის შვილი? რას იღებდა ამ ურთიერთობიდან?

- ფულს გენაცვალე, ფულს! ერთგან ეწუწუნებოდა, ხელფასი დამიგვიანეს და ფული მჭირდება სასწრაფოდო. ჩემი შვილი სწერდა, მე მაქვს ფული და მოგცემო. ის ჯერ უარზე იყო, მაგრამ მერე, როგორც ჩანს, შეხვდნენ და გადასცა. ალბათ ასე ჰყავდა რამდენიმე ბავშვი გამოჭერილი და ფულს შოულობდა. ეს ამბავი არც ლევანისთვის მითქვამს და არც ჩემი მეუღლისთვის. მეორე დღეს თიკო ჩემი პირადი სკაიპიდან დავიმატე და გავესაუბრე. ალბათ მორიგი მსხვერპლი ვეგონე. თავიდან მხოლოდ მოვიკითხავდი, მომწერა, ქმარს გაშორებული ვარ და 9 წლის ბიჭს მარტო ვზრდიო.

- ალბათ თქვენი ნამდვილი ვინაობა არ გაუმხილეთ...

- რა თქმა უნდა არა, გამოვუტყდი, ერთი ეული, ქვრივი ქალი ვარ, რომელსაც არავინ ჰყავს ახლობელი-მეთქი. მოკლედ, თავი ძალიან უბედურ არსებად მოვაჩვენე. ერთ დღესაც ვუთხარი, თუ წინააღმდეგი არ იქნები, სადმე ყავა დავლიოთ და ვისაუბროთ, მინდა უფრო ახლოს გაგიცნო-მეთქი.

იხილეთ სტატია სრულად

8 ოქტომბრიდან ახალი მთვარე სასიყვარულო ურთიერთობებს მაგიით აავსებს - ასტროლოგიური  პროგნოზი

კაცმა ყოფილი ცოლის საყვარელს ოჯახის დანგრევის გამო უჩივლა და 750 000 დოლარი მიიღო

მიუსაფარი ქალი ინტერნეტვარსკვლავად იქცა - მეტროში გადაღებულ ვიდეოს მილიონზე მეტი ნახვა აქვს