პირველი ადამიანი, რომელიც წითელ პლანეტაზე დაადგამს ფეხს, შესაძლოა, ამერიკელი გოგონა გახდეს. აერონავტიკის და კოსმოსური სივრცის კვლევის ეროვნული სამმართველო ალისა კარსონს მარსზე გასაფრენად ამზადებს. 13 წლის სკოლის მოსწავლე, გარდა მშობლიური ინგლისურისა, კიდევ ოთხ ენას ფლობს: თურქულს, ესპანურს, ჩინურს და ფრანგულს. გოგონას თქმით, მარსზე გაფრენა მისი ცხოვრების მთავარ მიზანს წარმოადგენს და ის არც კი უშვებს წარუმატებლობის ალბათობას. ალისამ უკვე შემოიარა NASA-ს სამივე ოფისი, რომელიც მსოფლიოს სხვადასხვა ქვეყნებშია განლაგებული. მშობლების თქმით, ალისას ყველაფერი 20 წლით ადრე აქვს დაგეგმილი.
მომზადებულია bbc.co.uk-ის მიხედვით.