ჩრდილოეთ კორეაში სერიალების ყურების გამო, 50 ჩინოვნიკი სიკვდილით დასაჯეს

ჩრდილოეთ კორეაში ქრთამის აღების და სამხრეთ კორეული სერიალების ყურების გამო, უმაღლესი რანგის 50 ჩინოვნიკი სიკვდილით დასაჯეს. სამხრეთ კორეული მედია, ე.წ. "წმენდას" კიმ ჩენ ინის ბიძასთან აკავშირებს, რომელიც გასული წლის ბოლოს დასაჯეს სიკვდილით.

გავრცელებული ინფორმაციით, მოკლული ჩინოვნიკები სწორედ ჩან სონ თხეკის მომხრეები იყვნენ. დღემდე სამხრეთ კორეის მედია ავრცელებდა ინფორმაციას, რომ კიმ ჩენ ინმა დაახლოებით, 200 ჩინოვნიკს გამოუტანა სასიკვდილო განაჩენი. გარდა ამისა, ცნობილი გახდა, რომ მოკლული პოლიტიკოსების ოჯახის წევრების ბანაკებში გაგზავნა იგეგმება.