როგორი გაკვეთილი ჩაუტარა მამამ საკუთარ 10 წლის ქალიშვილს, რომელიც სოციალურ ქსელებში იტყუებოდა

მას შემდეგ, რაც ლუისვილში მცხოვრებმა მამამ, ქევინ ჯონსმა აღმოაჩინა, რომ მისი 10 წლის ქალიშვილი სოციალურ ქსელში იყო დარეგისტრირებული და თავს 14-18 წლის თინეიჯერად ასაღებდა, ”ფეისბუქზე” საკუთარი შვილის სურათები ატვირთა წარწერით: "იგი ამბობს რომ 14-18 წლისაა. ირწმუნება, რომ ჰყავს შეყვარებული და მასთან ერთად დადის, ჩემი ნების საწინააღმდეგოდ".

შვილის ქცევაზე პასუხად, ქევინმა გოგონას მაისური უყიდა წარწერით: "მე მხოლოდ 10 წლის ვარ", "მეხუთე კლასელი". თუმცა, გაბრაზებული მამა მხოლოდ ამაზე არ შეჩერდა, მან შვილს ვარდისფერი "პრინცესას" ზურგჩანთა, ვარდისფერი ფეხსაცმელი და თმის სამაგრები უყიდა.

ქევინ ჯონსის თქმით, ასეთი გზით იგი შეეცადა, საკუთარი ქალიშვილი პედოფილებისგან დაეცვა.