ახალ წელს მსოფლიოს ყველა ქვეყნის ბავშვები ელიან და ყველას აქვს თავისი სურვილები თოვლის პაპასთან. ბევრს სჯერა, რომ ეს კეთილი არსება (სხვადასხვა ადამიანის სახით წარმოდგენილი) სურვილებს აუსრულებს. ბავშვები ხშირად სწერენ მას საახალწლოდ წერილებს და მოუთმენლად ელიან თხოვნების შესრულებას.
რას სთხოვენ თოვლის პაპას ქართველი ბავშვები და როგორია მათი საახალწლო სურვილები? თქვენ წინაშე მათი წერილებია - ამ წერილებს შორის აღმოაჩენთ ჩვეულებრივ თხოვნებსაც და ცრემლის მომგვრელებსაც - სხვადასხვა დაავადების მქონე თუ სოციალურად დაუცველი ბავშვების. თუმცა სურვილებში დიდი სხვაობა არ არის - ყველა ბავშვს უნდა ჩვეულებრივი საჩუქრები, სათამაშოები, პლანშეტი, ტელევიზორი, სკუტერი... და მშობლებისა და თავიანთი ჯანმრთელობა. ყველა ბავშვს, ვინც ჩვენს ქვეყანაში თუ მის ფარგლებს გარეთ ცხოვრობს, ვუსურვებთ ბედნიერ ახალ წელს, ყველა სურვილის ასრულებას და ნათელ მომავალს.