ბიოლოგებმა თევზის ახალი ჯიში რეკორდულ სიღრმეში აღმოაჩინეს

მეცნიერებმა აღმოაჩინეს თევზის ახალი ჯიში, რომელიც ოკეანის სიღრმეებში ბინადრობს. წყნარ ოკეანეში ახალი ექსპედიციის დროს უცნობი სახეობის თევზი შენიშნეს, რომელიც ფსკერზე ცურავდა რეკორდულ სიღრმეში, 8 143 მეტრის დონეზე.

თევზის სხეულის ფორმა აქამდე ცნობილი სახეობებისგან განსხვავდება: მას ფართო და ნახევრადგამჭირვალე ფარფლები აქვს. ”ჩვენ დავინახეთ თევზი, რომელიც 8 000 მეტრის სიღრმეზე წყნარად დაცურავდა. ის არის ახალი ჯიშის წარმომადგენელი, მეცნიერება ამ სახეობას აქამდე არ შეხვედრია. ის ძალიან მოწყვლადია და უცნაური გარეგნობა აქვს, თითქოს ანიმაციური ფილმის პერსონაჟ ძაღლს წააგავს” - განაცხადა აბერდინის უნივერსიტეტის მკვლევარმა ალან ჯეიმსონმა.

ახალი სახეობის კლასიფიცირებისთვის მეცნიერებისთვის აუცილებელია თევზის დაჭერა და გამოკვლევა, რაც ვერ მოახერხეს. აქამდე ყველაზე ღრმა წყლებში აღმოჩენილი თევზი იყო პი ამბლისტომოფსისი, რომელიც 7 703 მეტრზე ცურავდა. გამოთვლების მეშვეობით დამტკიცებულია, რომ 8 200 მეტრზე ღრმად თევზებს არ შეუძლიათ არსებობა, თუმცა ამ ახალმა აღმოჩენამ შესაძლოა, ეს დასკვნა ეჭვქვეშ დააყენოს.