2014 წელს საქართველომ 810 233 რუსი ტურისტი მიიღო

2014 წელს საქართველომ 810 233 რუსი ტურისტი მიიღო. 2013 წელთან შედარებით, რუსეთიდან ჩამოსული ტურისტების რაოდენობამ 6%-ით მოიმატა. როგორც საქართველოს ტურიზმის ეროვნულ ასოციაციაში აღნიშნავენ, დეკემბრის თვეში რუსი ტურისტების ნაკადმა 8% შეადგინა და ქვეყანა 3 772-მა ადამიანმა მოინახულა.

ტურისტული სააგენტოების თქმით, რუს ტურისტებში დიდი პოპულარობით, შემდეგი 10 ადგილი სარგებლობს: თბილისი, ბათუმი, ყაზბეგი, მარნეული, მცხეთა, ქობულეთი, ქუთაისი, გუდაური, რუსთავი და სიღნაღი.

რუსი ტუროპერატორები ადასტურებენ საქართველოს მიმართ გაზრდილ ინტერესებს. რუსეთის ეროვნული ტუროპერატორის, АЛЕАН-ის მონაცემების მიხედვით, გასულ წელს, საქართველოში ტურების გაყიდვების რაოდენობამ 50% შეადგინა. პოპულარული ტურების ხანგრძლივობა 4 დღიდან 1 კვირამდეა.

მომზადებულია georgianpress.ru -ის მიხედვით.

Normal 0 false false false MicrosoftInternetExplorer4 BoxOfficeMojo