გერმანიის კუნძულ რიუგენის განიერ ქვიშის პლაჟზე მსოფლიოში უდიდესი სასტუმრო მდებარეობს. დიდებულ შენობაში, რომელიც პლაჟის გასწვრივ 5 კმ-ზე და მეტადაა გადაჭიმული, 10 000 ნომერია ზღვის ხედით.
სასტუმრო უკვე 70 წელია, რაც ცარიელია. ყველაფრის მიზეზი კი ისაა, რომ ეს საზღვაო კურორტი, სახელწოდებით პრორა, ჰიტლერის ბრძანებით ნაცისტების მიერაა აშენებული 1936-1939 წლებში. ამ პერიოდში ჰიტლერი ომისთვის ემზადებოდა, შედეგად, მისი პრიორიტეტები შეიცვალა და სამშენებლო პროექტი საბოლოოდ ვეღარ დასრულდა.
სასტუმრო პრორა განლაგებულია ფართო ყურეს ნაპირებზე ორ გერმანულ ოლქს – ზასნიცსა და ბინცს შორის ვიწრო უდაბურ ადგილზე, რომელიც ლაგუნა იასმუნდერ-ბოდენს ბალტიის ზღვისგან ყოფს.