შრიფტი
19:40 / 24-08-2016
სიკვდილმისჯილი ირანელი ქალის უკანასკნელი გზავნილი დედას: "იმ საბედისწერო ღამეს მე უნდა მოვეკალი..."
2014 წლის 25 ოქტომბერს ირანში 26 წლის რეიჰანე ჯაბარი ჩამოახრჩვეს. ახალგაზრდა ქალს ჩინოვნიკისა და ექიმის - მორტეზა აბდოლალის მკვლელობა ედებოდა ბრალად. შემთხვევა 2007 წელს მოხდა. 19 წლის რეიჰანე ირწმუნებოდა, რომ მამაკაცი თავდაცვის მიზნით მოკლა, რადგან მან მისი გაუპატიურება სცადა. ირანის სასამართლომ ბრალდებულის ჩვენებები არ გაითვალისწინა და 2009 წელს სიკვდილით დასჯის განაჩენი გამოუტანა რეიჰანე ჯაბარის. წლების მანძილზე განაჩენის აღსრულების საქმეს უმაღლესი სასამართლო განიხილავდა. მიუხედავად საერთაშორისო წნეხისა, Amnesty International-ის მცდელობისა და იმ ფართომასშტაბიანი კამპანიისა, რომელსაც მთელ მსოფლიოში აწარმოებდნენ უფლებადამცველი ორგანიზაციები რეიჰანეს გადასარჩენად, ირანმა სასიკვდილო განაჩენი 6 წლის შემდეგ მაინც აღასრულა...

ჩამოხრჩობამდე რეიჰანემ უკანაკნელი ხმოვანი გზავნილი ჩაწერა დედისთვის. სიკვდილმისჯილი ქალის მშვიდი ხმით ჩაწერილი სულისშემძვრელი სიტყვები ასე ჟღერს:

"იმ საბედისწერო ღამეს მე უნდა მოვეკალი... ჩემს სხეულს სადმე ქალაქის კუთხეში მიაგდებდნენ, პოლიცია ჩემი გვამის ამოსაცნობად მიგიყვანდა და იმასაც გაიგებდი, რომ გამაუპატიურეს. მკვლელს ვერასოდეს დაიჭერდნენ, რადგან ჩვენ ფული და ძალაუფლება არ გაგვაჩნია. შემდეგ ცხოვრებას ტანჯვაში და სირცხვილში გააგრძელებდი, რამდენიმე წლის შემდეგ კი ამ ტანჯვისგან მოკვდებოდი, სულ ეს იქნებოდა...

თუმცა ასე არ მომხდარა. ჩემი სხეული კუთხეში არ მიუგდიათ, ციხეში მიაგდეს. თუმცა, არ ვწუწუნებ. შენც იცი, რომ სიკვდილი სიცოცხლის დასასრული არ არის. როგორი ოპტიმისტი უნდა იყო, რომ მოსამართლეებისგან სამართლიანობას მოელოდე. მას არასოდეს დაუყენებია კითხვის ქვეშ, რომ ჩემი ხელები მოკრივესავით უხეში არ ყოფილა. ამ ქვეყანას, რომლის სიყვარულიც ჩამინერგე, არასოდეს ვუნდოდი მე და არავინ დამიჭირა მხარი.

ჩემო კეთილო დედა, ძვირფასო შოლე, ჩემთვის სიცოცხლეზე ძვირფასი ხარ! გთხოვ, არ მინდა, რომ მიწაში დავლპე. არ მინდა ჩემი თვალები და ახალგაზრდა გული მტვრად იქცეს. გემუდარები, როდესაც ჩამომახრჩობენ, ჩემი გული, ღვიძლი, თვალები, თირკმელი და ყველაფერი, რისი ტრანსპლანტაციაც შესაძლებელია, იმ ადამიანებს გადაეცი ვისაც სჭირდებათ, უსასყიდლოდ. არ მინდა მათ ჩემი სახელი
იცოდნენ, ყვავილები იყიდონ ან ჩემთვის ილოცონ. გულით გეუბნები, რომ არ მინდა საფლავი, რომელზეც მოხვალ, იტირებ და დაიტანჯები. არ მინდა ჩემს გამო შავები ჩაიცვა. ეცადე დაივიწყო ჩემი მძიმე დღეები. ქარს გაატანე ჩემი თავი. სამყაროს არ ვუყვარვართ. ახლა კი ვნებდები ბედს და სიკვდილს ვეხუტები. მე აუცილებლად გამამართლებენ, მაგრამ ამას ალბათ, ვერ მოვესწრები."

მომზადებულია jezebel.com-ს მიხედვით
11:23 / 07-12-2016
მარიზა
0
ცრემლს ვერ ვიკავებ. ადვილია გამოიტანო განაჩენი - დაისაჯოს სიკვდილით, რადგან მკვლელობა ჩაიდინა. მე არ ვამართლებ მკვლელს, მაგრამ არის გარემოება - თავდაცვა და თავდაცვის ინსტიქტი ყველა იმ არსებისთვის, ვინც კი დედამიწაზე ცხოვრობს. თავად განაჩენის გამომტანი უნდა აღმოჩნდეს იგივე მდგომარეობაში და შედეგი თავადვე შეაფასებინონ.
10:00 / 26-08-2016
tamari
0
რა სამწუხაროა,რომ ის შინაგანი ცეცხლი და სიცოცხლის სიყვარული რაც ამ გოგონაში გიზგიზებდა,ასე ჩაიფერფლა
უცრემლოდ ვერ ვკითხულობ ამ ისტორიას...
მსგავსი სიახლეები
2010 წელს მარიამის ძმის ცოლმა მძინარე ქალს და მის სამ ქალიშვილს მჟავა შეასხა
ბოლო ერთი კვირის განმავლობაში ახლო აღმოსავლეთში ვითარება კიდევ უფრო დაიძაბა
აიათოლა ჰომეინის მავზოლეუმზე მოწყობილი ორი თავდასხმის დროს, 12 ადამიანი დაიღუპა
ოთხი უცნობი შეიარაღებული პირი ადგილობრივი დროით 09:00 საათზე პარლამენტში შეიჭრა და ცეცხლი გახსნა
ასასინი ტერორისტებისა და "კამიკაძეების" კვალდაკვალ
ჯარისკაცი "მშობლების" ფონზე გადაღებულ სურათზე, სინამდვილეში...
დასავლეთში არაერთი განცხადება გაკეთდა, რომ თურქეთს, როგორც ევროპის საბჭოს წევრ ქვეყანას
პროექტის პირველი განხილვა დაახლოებით თვენახევრის წინ, თეირანში გაიმართა
ტერორისტულმა დაჯგუფებამ სიკვდილით 4 ადამიანი დასაჯა
ფოტოგალერეა
ამ კატეგორიის სხვა სიახლეები
17:36 / 25-09-2017  Image მოსალოდნელია ძლიერი წვიმა და ტემპერატურის ვარდნა - უახლოესი დღეების პროგნოზი
27-28 სექტემბერს საქართველოში ცივი მასების გავრცელების გამო
11:14 / 25-09-2017  Image დონალდ ტრაპმა 8 ქვეყნის მოქალაქეებს აშშ-ში შესვლა შეუზღუდა
ამის შესახებ თეთრი სახლის საიტზე გავრცელებულ განცხადებაშია ნათქვამი
18:15 / 25-09-2017  Image "ბილტმორ თბილისის" საკვირაო ბრანჩი "ბერი ანდრიას სახელობის საქველმოქმედო ფონდის" შვილობილების მხარდასაჭერად
წელს "სიცოცხლის ფესტივალის" ფარგლებში ეს პირველი ღონისძიება არ ყოფილა
09:27 / 25-09-2017  Image ვჭამთ თუ არა რეალურად "ნამდვილ პურს" - რა უნდა იცოდეს მომხმარებელმა
პურის უხარისხობა მრავალი კომპონენტითაა განპირობებული
14:26 / 25-09-2017  Image კრასნოდარში კანიბალების ოჯახი დააკავეს
НТВ-ს ცნობით, კანიბალები ოჯახის წევრები არიან და მათ შესაძლოა შვიდიდან 30-მდე მკვლელობა ჰქონდეთ ჩადენილი
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49